سچ خبریں:لبنان کے سیاسی تجزیہ کار نے اپنے ایک بیان میں کہا ہے کہ تکفیری دہشت گردوں کو شام سے یوکرائن منتقل کرنے میں نیٹو کا بنیادی ہدف اس ملک کے بحران کو طول دینا ہے۔
العہدنیوز ایجنسی کی رپورٹ کے مطابق لبنان کے سیاسی تجزیہ کار اور ماہر حسام طالب نے یوکرائن کے بحران کے بارے میں بات کی، انہوں نے بحران میں نیٹو کے کردار پر کڑی تنقید کرتے ہوئے اسے غیر تعمیری قرار دیا۔
رپورٹ کے مطابق لبنان کے ماہر اور تجزیہ کار نے کہاکہ شام سے تکفیری دہشت گردوں کی یوکرائن منتقلی میں نیٹو کا بنیادی ہدف اس ملک کے بحران کو طول دینا ہے، انہوں نے مزید کہا کہ شامی دہشت گردوں اور یوکرائنی حکومت کے درمیان تعلقات کو فراموش نہیں کرنا چاہیے، شام کے بحران کے آغاز کے بعد سے یوکرائن کی حکومت نے وہاں دہشت گرد گروہوں کو ہتھیار فراہم کیے ہیں۔
یوکرائن نے تکفیریوں کو یورپی ہتھیار فراہم کئے، لبنانی شخصیت نے کہا کہ نیٹو نے دہشت گرد گروپوں کو یوکرائن میں منتقل کیا ہے،یادرہے کہ یہ گروپ حال ہی میں شام سے یوکرائن میں داخل ہوئے ہیں،قابل ذکر ہے کہ ترکی نے تکفیریوں کی شام سے یوکرائن منتقلی میں اہم کردار ادا کیا ہے اورابھی بھی کر رہا ہے۔