جنوبی کوریا کے وزیر اعظم کا ایران دورہ، دونوں ممالک کے مابین تعلقات کے فروغ پر اہم گفتگو

🗓️ 12 اپریل 2021

تہران (سچ خبریں) جنوبی کوریا کے وزیر اعظم چانگ سای کیون، گذشتہ روز تین دن کے دورے پر تہران پہنچ گئے، جہاں ایرانی وزیر برائے مواصلات اور شہری ترقی محمد اسلامی نے ان کا استقبال کیا۔

تفصیلات کے مطابق، چانگ سای کیون، ایران کا تین روزہ دورہ کریں گے اور توقع کی جاتی ہے کہ اسی دورے میں تہران اور سیول کے درمیان تعلقات کے فروغ پر فریقین کے درمیان مذاکرات ہوئے۔

غیر ملکی خبررساں ادارے کے مطابق دورے کا مقصد جوہری معاہدے کی بحالی کیلئے ایران اور عالمی طاقتوں کے مابین مفاہمت کی کوشش کرنا اور جنوبی کوریا میں منجمد ایرانی فنڈز 7 بلین ڈالر بحال کرنا ہے، چنگ 44 سالوں میں ایران کا دورہ کرنے والے پہلے جنوبی کوریا کے وزیر اعظم ہیں۔

جنوری میں ایران نے آبنائے ہرمز میں ایک جنوبی کوریا کے بحری جہاز اور اس کے ملاحوں پر پانی کی آلودگی کا الزام عائد کرنے کے بعد تناؤ میں حراست میں لے لیا تھا اور جنوبی کوریا سے اپنے منجمد 7 بلین ڈالرز کے اثاثوں کی بحالی کا مطالبہ کیا تھا۔

چنگ کا یہ سفر ایران کے ٹینکر اور اس کے کپتان کے رہا کرنے کے کچھ دن بعد سامنے طے پایا ہے جس میں جنوبی کوریا نے بھی ایرانی فنڈز کی بحالی کا عندیہ دیا ہے۔

واضح رہے کہ ایران اور عالمی طاقتوں کے درمیان گذشتہ ہفتے بات چیت ہوئی تھی جس کا مقصد 2015 کے جوہری معاہدے کو بحال کرنا تھا جسے سابق امریکی صدر ڈونلڈ ٹرمپ نے تین سال قبل ترک کردیا تھا۔۔ تاہم ابھی تک کوئی حتمی فیصلہ نہیں ہوسکا ہے۔