?️
تہران (سچ خبریں) ایران نے اپنے پڑوسی ممالکے لیئے اہم پیغام جاری کرتے ہوئے کہا ہے کہ ایران کی مسلح افواج نے کبھی بھی کسی ملک پر حملہ کرنے کا ارادہ نہیں کیا ہے اور ہم اپنے پیارے پڑوسیوں کو واضح طور پر اعلان کرتے ہیں کہ ہماری مسلح افواج کی طاقت ہمسایہ ممالک کا محافظ ہے۔
تفصیلات کے مطابق ایرانی وزارت دفاع کے قومی منصوبوں کی افتتاحی تقریب کے موقع پر ایرانی صدر حسن روحانی نے کہا ہے کہ اسلامی جمہوریہ ایران کی مسلح افواج نے کبھی بھی کسی ملک پر حملہ کرنے کا ارادہ نہیں کیا ہے اور ہم اپنے پیارے پڑوسیوں کو واضح طور پر اعلان کرتے ہیں کہ ہماری مسلح افواج کی طاقت ہمسایہ ممالک کا محافظ ہے۔
انہوں نے کہا کہ اسلامی جمہوریہ ایران کی مسلح افواج کی جانب سے کبھی بھی کسی ملک پر حملہ کرنے کا ارادہ نہیں ہے اور ایرانی افواج کی طاقت ہمسائہ ممالک کی مدد اور حفاظت کرتی ہے۔
صدر روحانی نے کہا کہ آج ہم مشاہدہ کر رہے ہیں مسلط کردہ ساڑھے تین سال معاشی جنگ کے باوجود جس نے کسی دوسرے ملک کو گھٹنے ٹیکنے پر مجبور کرتی تھی، لیکن ہماری قوم کھڑی ہے اور حکومت نے اپنی پوری طاقت کے ساتھ مزاحمت کی ہے اور کرے گی اور عوام اور مسلح افواج کی ضروریات کو پورا کرنے میں کامیاب رہی ہے۔
انہوں نے کہا کہ جدید ترین دفاعی ہتھیار اس عرصے (پچھلے آٹھ سال) کے دوران تعمیر کیے گئے اور میزائل کی صلاحیت پہلے سے کہیں زیادہ طاقت ور ہوگئی ۔اس عرصے کے دوران ہم بحریہ کو درکار آبدوز، سب میرین، ڈسٹرائر اور میزائلوں کی فراہمی میں کامیاب رہے ہیں۔
انہوں نے مزید کہا کہ ہم نے ان برسوں میں کروز میزائل کی رینج کو 300 کلومیٹر سے بڑھا کر 1000 ہزار کلومیٹر تک بڑھایا ہے اور فضائیہ کے حصے میں ہم نے کوثر لڑاکا طیارے کو بنایا، طیارے کا انجن بنایا اور آج مسلح افواج میں ایک طاقتور فورس موجود ہے۔
ان کا مزید کہنا تھا کہ آرمی، سپاہ پاسداران اور مسلح افواج کی فوج فضائیہ اور بکتر بند کے شعبے میں خود کفیل ہیں اور اپنے دونوں پیروں پر کھڑی ہے اور اپنے وسائل کےساتھ ملک کا دفاع کرتی ہے۔
روحانی نے کہا کہ ہمیں اپنے ملک کے دفاع میں نہ بڑے پیمانے پر تباہی پھیلانے والے ہتھیاروں کی ضرورت ہے، نہ ہی ہم ان مہلک ہتھیاروں کے حصول کی کوشش کرتے ہیں اور نہ ہی ہم اسے اخلاقی اور جائز سمجھتے ہیں۔
ایرانی صدر نے کہا کہ رہبر انقلاب اسلامی کا واضح فتویٰ ہے جو بڑے پیمانے پر تباہی پھیلانے والے اسلحے کو اپنے ہی فتوے کے خلاف اور اسلامی اخلاقیات ، اقدار اور اصولوں کے منافی سمجھتا ہے۔
روحانی نے کہا کہ ہم گھریلو صنعت کے لئے ایٹمی، فضائی، خلائی اور میزائل صلاحیتوں اور نئی ٹیکنالوجیز کی تلاش کر رہے ہیں۔ ہماری جوہری طاقت جوہری ہتھیار بنانا نہیں ہے۔ امریکہ اور یورپ کو ایران کو اچھی طرح جاننا اور سمجھنا چاہئے
انہوں نے بتایا کہ ہماری افزودگی طبی اور توانائی کی صنعتوں اور دیگر شعبوں میں ہمارے ملک کی ضروریات کی فراہمی کے لئے ہے اور ہماری سرگرمیاں مکمل طور پر پرامن ہیں۔
مشہور خبریں۔
الجولانی کی شام میں روسی فوجی موجودگی برقرار رکھنے پر رضامندی
?️ 7 فروری 2025سچ خبریں:شامی دہشت گرد تنظیم الجولانی کے وزیر دفاع نے ایک بیان
فروری
بائیڈن کے دورے کا مقصد اسرائیل سعودی تعلقات کو مضبوط بنانا ہے: امریکی سفیر
?️ 17 جون 2022سچ خبریں: اسرائیلی اخبار اسرائیل ہیوم کو آج انٹرویو دیتے ہوئے تل
جون
بحرینی حکام الجزیرہ چینل پر برہم
?️ 2 مئی 2021سچ خبریں:بحرین کی حکومت نے قطر کے الجزیرہ چینل پر الزام لگایا
مئی
امریکہ نیتن یاہو کی حکومت بچانے کی کوششوں میں مصروف
?️ 11 جون 2025 سچ خبریں:امریکہ صیہونی ریاست میں انتخابات کو روکنے اور نیتن یاہو
جون
صیہونی ریاست کی اندرونی صورتحال؛سابق صیہونی وزیراعظم کی زبانی
?️ 2 اپریل 2024سچ خبریں: سابق صیہونی وزیر اعظم اور نیتن یاہو کی اپوزیشن کے
اپریل
ٹرمپ اور پاگل آدمی کی تھیوری
?️ 2 فروری 2025سچ خبریں: 2016 میں جب ڈونلڈ ٹرمپ پہلی بار اقتدار میں آئے
فروری
پکسل 6 اور 6پرو کے حوالےسے گوگل نے صارفین کو خوشخبری سنادی
?️ 1 ستمبر 2021نیویارک (سچ خبریں) ایک نئی خبر میں دعویٰ کیا گیا ہے کہ
ستمبر
اینٹی کرپشن انکوائری: آئندہ سماعت پر ثابت کریں رانا ثنااللہ نے کس سے رشوت لی؟ لاہور ہائیکورٹ
?️ 17 اکتوبر 2022 راولپنڈی:(سچ خبریں) لاہور ہائی کورٹ کے راولپنڈی بینچ نے محکمہ اینٹی
اکتوبر