نیتن یاہو آپریشن کے بعد زیرزمین بنے خصوصی وارڈ میں منتقل

?️ 30 دسمبر 2024

سچ خبریں:اسرائیلی وزیر اعظم بنیامین نیتن یاہو کے دفتر نے ان کے کامیاب پروسٹیٹ آپریشن اور ان کے زیرزمین ریکاوری وارڈ میں منتقل کیے جانے کی تصدیق کی ہے۔

الجزیرہ نیوز چینل کی رپورٹ کے مطابق نیتن یاہو کے دفتر نے بتایا کہ ان کا پروسٹیٹ آپریشن کامیاب ہوا جس کے بعد ان کی حالت بہتر ہے، تاہم وہ آئندہ چند دنوں تک ڈاکٹروں کی نگرانی میں رہیں گے۔

یہ بھی پڑھیں: بینجمن نیتن یاہو کینسر میں مبتلا

اسرائیلی ٹی وی چینل 12 نے ایک روز قبل تصدیق کی تھی کہ 75 سالہ صیہونی وزیر اعظم نیتن یاہو پروسٹیٹ کینسر میں مبتلا ہیں، جس کے علاج کے لیے انہیں اتوار کو آپریشن کے لیے لے جایا گیا۔

ذرائع کے مطابق نیتن یاہوکو گزشتہ بدھ کو یروشلم کے ہڈاسا اسپتال میں میڈیکل معائنہ کے دوران پیشاب کی نالیوں میں سوزش کی تشخیص ہوئی، جو پروسٹیٹ کے بڑھنے کی وجہ سے پیدا ہوئی تھی۔

مزید پڑھیں: صہیونی میڈیا کا سارا نیتن یاہو کی خفیہ فوج کے بارے میں انکشاف

رپورٹس کے مطابق، صیہونی وزیر اعظم کا یہ آپریشن زیرزمین ایک خصوصی وارڈ میں انجام دیا گیا۔