غزہ جنگ صہیونی ریاست کی ہمہ گیر ناکامی کا آئینہ:حماس  

سچ خبریں:حماس نے کہا کہ غزہ جنگ اسرائیل کی ہر سطح پر شکست کی علامت بن چکی ہے، تنظیم کا کہنا ہے کہ محاصرہ زدہ غزہ میں بھوک ایک انسانی المیہ ہے، اور مزاحمت اب مکمل طور پر میدان پر حاوی ہے۔

فلسطینی اسلامی مزاحمتی تحریک حماس نے ایک بیان میں کہا ہے کہ غزہ پر جاری صہیونی جنگ صرف اور صرف اسرائیلی ناکامیوں کی شدت میں اضافہ کر رہی ہے، اور یہ جنگ اس حقیقت کا مکمل آئینہ ہے کہ صہیونی ریاست تمام سطحوں پر شکست سے دوچار ہے۔

یہ بھی پڑھیں:غزہ کی جنگ انتہائی سخت ہے، "گوتریس” اسرائیل کی شکست کا منتظر تھا: اسموتریچ

المیادین نیوز چینل کی رپورٹ کے مطابق، حماس نے اپنے بیان میں کہا غزہ کے خلاف اسرائیل کی جارحیت، صرف اس کی مکمل ناکامیوں کی عکاسی ہے،بیان میں مزید کہا گیا کہ فلسطینی مزاحمت نے اپنی استقامت، حوصلے اور متنوع عسکری حکمت عملیوں سے دشمن کی تمام عسکری و سیاسی محاسبات کو درہم برہم کر دیا ہے، اور اب زمینی کنٹرول اور فیصلہ کن برتری مزاحمت کے پاس ہے۔

حماس نے غزہ پر مسلط کردہ قحط کو انسانیت کے خلاف جرم قرار دیتے ہوئے عوام اور حکومتوں سے مطالبہ کیا کہ وہ محاصرہ زدہ ہزاروں بھوکے فلسطینیوں کو بچانے کے لیے فوری اقدام کریں۔

مزید پڑھیں:غزہ کی جنگ کے 600 دن بعد اسرائیل کی متعدد شکستیں

مزید یہ کہ حماس نے واضح کیا کہ قیدیوں کو طاقت کے ذریعے آزاد کرانے میں اسرائیل کی ناکامی کے بعد، اب واحد راستہ مزاحمت سے معاہدہ ہے اور یہ معاہدہ صرف مزاحمتی شرائط پر ممکن ہو گا،ان شرائط میں سرفہرست مطالبہ غزہ کا محاصرہ ختم کرنا اور بھوک کا خاتمہ ہے۔