کیا آپ جانتے ہیں، گردے میں اچانک درد کیوں ہوتا ہے؟

?️ 21 فروری 2021

اسلام آباد {سچ خبریں} آج کل طرز زندگی بدلنے کی وجہ سے مختلف قسم کی بیماری دیکھنے کو ملتی ہیں انہیں بیماریوں میں سے جو کہ عام ہے وہ ہے گردے میں درد کا ہونا۔ گردے میں درد ہونے کی کچھ وجوہات ہے جن کا جائزہ ہم اپنے اس مختصر تحریر میں لیں گے۔

گردے میں درد کی سب سے عام وجوہات میں  پیشاب کی نالیوں میں انفیکشن، گردے میں سوزش اور گردے میں پتھری کا ہونا ہوتا ہے۔ تاہم  گردے میں درد کی بہت سی دوسری وجوہات بھی ہو سکتی ہیں۔ گردے کی بیماری ہونے کی صورت میں جسم کے درجہ حرارت میں اضافہ، پیشاب کرتے وقت تکلیف ہونا، متلی اور قے وغیرہ کا بار بار آنا شامل ہیں۔ 

گردے میں درد کی وجوہات کی تشخیص مریض کی زندگی کے معمولات دیکھتے ہوئے کی جاتی ہے۔ اس کے لیے جسمانی معائنہ اور لیبارٹری ٹیسٹ  ہوتے ہیں۔اس میں خون اور پیشاب کے ٹیسٹ  بھی شامل ہیں۔ پیٹ اور کمر کا ٹیسٹ سی ٹی سکین یا ایم آر آئی کے ذریعے کیا جاتا ہے۔ 

وجوہات

اچانک گردے میں درد کی  بہت ساری وجوہات ہیں، ان میں سب سے نمایاں یہ ہیں۔ 

1۔۔ پتھریوں کی وجہ سے رگوں میں رکاوٹ، اس کے نتیجے میں گردوں کے نیچے اور ریڑھ کی ہڈی کے درمیان شدید درد ہوتا ہے۔ 

2۔۔ پیشاب کی نالی میں انفیکشن ہونا، خاص طور پر اگر گردوں میں طویل عرصے سے انفیکشن ہو۔ 

3۔۔ گردوں کے اندر خون کا جمنا

4۔۔ رگوں کا تنگ ہونا۔ 

5۔۔ رگوں میں چوٹ آ جانا 

6۔۔ گردے کا کینسر 

اچانک درد کا علاج  کیسے کریں 

اس کا علاج بنیادی وجہ پر منحصر ہوتا ہے۔ ڈاکٹر آپ کو انفیکشن کی علامات کی جانچ پڑتال کے لیے پیشاب کے ٹیسٹ کے لیے کہہ سکتا ہے۔ الٹراساؤنڈ یا سی ٹی سکین جیسے ٹیسٹ کی بھی ضرورت ہو سکتی ہے تاکہ بیماری کی وجہ معلوم کرنے میں مدد ملے۔ ایک بار جب ڈاکٹر کو درد کی وجہ معلوم ہو جاتی ہے تو وہ آپ کے لیے مناسب علاج تجویز کر سکتا ہے۔ 

اگر بنیادی وجہ بیکٹیریل انفیکشن ہو تو عام طور پر اینٹی بائیوٹکس کی ضرورت ہوتی ہے۔ کچھ لوگوں میں گردے کے پتھریاں خود ہی ٹھیک ہو جاتی ہیں اور گردے کا درد ختم ہو جاتا ہے تاہم کچھ لوگوں کو سرجری کی ضرورت پڑ سکتی ہے۔ 

گردے میں زخم ہونے سے بچنے کے لیے  وافر مقدار میں پانی پینا چاہیے اس سے گردے کے درد کو روکا جا سکتا ہے۔