مقبوضہ کشمیر کے سابق وزیراعلیٰ فاروق عبداللہ کورونا وائرس کا شکار ہوگئے

?️ 30 مارچ 2021

سرینگر (سچ خبریں) مقبوضہ کشمیر کے سابق وزیراعلیٰ اور نیشنل کانفرنس کے صدر فاروق عبداللہ کورونا وائرس کا شکار ہوگئے ہیں جس کے بعد ان کے اہلخانہ نے آئسولیشن اختیار کرلی ہے۔

تفصیلات کے مطابق مقبوضہ کشمیر کے سابق وزیراعلیٰ فاروق عبداللہ بھی عالمی وبا کورونا وائرس کا شکار ہوگئے ہیں، اس حوالے سے فاروق عبداللہ کے بیٹے عمر عبد اللہ نے سماجی رابطے کی ویب سائٹ ٹوئٹر پر جاری کیے گئے اپنے پیغام میں کہا کہ میرے والد کا کورونا وائرس ٹیسٹ مثبت آگیا ہے۔

عمر عبداللہ نے کہا کہ میرے والد میں کورونا وائرس کی کچھ علامات ظاہر ہوئی ہیں، ساتھ ہی انہوں نے کہا کہ کورونا وائرس ٹیسٹ کرائے جانے تک میں نے اور میرے اہلخانہ نے آئسولیشن اختیار کرلی ہے۔

عمر عبداللہ  نے مزید کہا کہ میری گزارش ہے کہ جو لوگ حالیہ دنوں میں مجھ سے اور میرے والد کے ساتھ رابطے میں تھے وہ لازمی احتیاطی تدابیر اختیار کریں۔