الکیشن میں ہماری عوام کے ساتھ کیا ہوتا ہے؟حافظ نعیم الرحمٰن کی زبانی

?️ 24 جولائی 2024

سچ خبریں: امیر جماعت اسلامی پاکستان حافظ نعیم الرحمٰن نے کہا ہے کہ عوام جس کو ووٹ دیتے ہیں، نتیجہ کسی اور کے حق میں آتا ہے۔

کراچی بار ایسوسی ایشن سے خطاب کرتے ہوئے حافظ نعیم الرحمٰن نے کہا کہ کراچی بار سے ہمارا رشتہ بہت پرانا ہے، ہم نے قانون اور آئین کی بالادستی کی تحریکیں کراچی بار کے ساتھ مل کر چلائی ہیں۔

یہ بھی پڑھیں: قوم پر مسلط لوگوں نے کسی حلقہ میں بھی 30 فیصد ووٹ نہیں لیے

انہوں نے سانحہ 12 مئی کو یاد کرتے ہوئے کہا کہ ہم اسے بھول نہیں سکتے، اس دن 56 سے 57 افراد جاں بحق ہوئے تھے۔

ایک ڈکٹیٹر نے اسلام آباد میں مکا لہرا کر کہا تھا کہ کراچی میں میری طاقت دیکھی۔

حافظ نعیم الرحمٰن نے کہا کہ ملک میں آئین کی بالادستی اور قانون کی حکمرانی کا مسئلہ ہے۔ آئی پی پیز کے مسئلے پر اب آوازیں اٹھ رہی ہیں، 1984ء سے آئی پی پیز کے یہ معاہدے جاری ہیں۔

انہوں نے کہا کہ ہم ان آئی پی پیز کے معاہدوں کو نہیں مانتے، کیونکہ ہم اس بجلی کے بھی پیسے دے رہے ہیں جو ابھی بنی بھی نہیں ہوتی،آئی پی پیز کے دھندے سے ہزاروں ارب روپے کھائے جا چکے ہیں۔ کوئی ایسا معاہدہ نہیں ہو سکتا جس سے باہر نہ نکلا جا سکے۔

مزید پڑھیں: الیکشن کمیشن نے ووٹرز کے ساتھ کیا کیا؟ جسٹس اطہر من اللہ کی زبانی

انہوں نے مزید کہا کہ 25 سال کے معاہدے کیے گئے ہیں، ہم ان معاہدوں کو نہیں مانتے اور 2800 ارب روپے ان کو نہیں دیں گے، لوگ بجلی کا بل دیکھتے ہی بلبلانے لگتے ہیں۔