ٹرمپ کے سامنے جھکنے پر اسپین کی جرمن چانسلر پر سخت تنقید

?️ 11 مارچ 2026

سچ خبریں:اسپین نے ایران کے خلاف حملے کے معاملے پر جرمنی کے چانسلر فریڈرک مرٹس کے مؤقف کو شدید تنقید کا نشانہ بنایا اور انہیں امریکی صدر ڈونلڈ ٹرمپ کا تابع دار قرار دیا۔

اسپین نے ایران کے خلاف جارحیت کے معاملے پر جرمنی کے چانسلر فریڈرک مرٹس کے مؤقف پر شدید تنقید کرتے ہوئے انہیں امریکی صدر ڈونلڈ ٹرمپ کا تابع دار قرار دیا ہے۔

یہ بھی پڑھیں:اسرائیلی حکومت نے ایران کے خلاف 12 روزہ جنگ بندی کے لیے امریکہ سے مدد طلب کی: انصاراللہ 

سیاسی خبر رساں ادارے پولیٹیکو کے مطابق اسپین نے ایران کے خلاف جارحیت کے معاملے پر جرمن چانسلر فریڈرک مرٹس کے موقف پر سخت ردعمل ظاہر کرتے ہوئے کہا کہ وہ دراصل ڈونلڈ ٹرمپ کے زیر اثر ہیں۔

اسپین کی نائب وزیر اعظم یولاندا دیاز نے پولیٹیکو کو دیے گئے ایک انٹرویو میں کہا کہ مرٹس یورپی یونین کے ان موجودہ رہنماؤں میں شامل ہیں جن کے پاس اس تاریخی اور حساس مرحلے کو سنبھالنے کے لیے کوئی واضح حکمت عملی موجود نہیں۔

اس ہسپانوی اعلیٰ عہدیدار نے مرٹس پر شدید تنقید کرتے ہوئے کہا کہ آج یورپ کو مضبوط قیادت کی ضرورت ہے، نہ کہ ایسے رہنماؤں کی جو ٹرمپ کے سامنے جھک جائیں۔

فریڈرک مرٹس کو ان کے اس مؤقف پر تنقید کا سامنا ہے جو انہوں نے 3 مارچ کو وائٹ ہاؤس میں ایک مشترکہ پریس کانفرنس کے دوران اختیار کیا تھا۔ اسی پریس کانفرنس میں امریکی صدر ڈونلڈ ٹرمپ نے دھمکی دی تھی کہ اگر اسپین نے ایران پر حملے کے لیے امریکی فوجی طیاروں کو اپنے فضائی اڈوں کے استعمال کی اجازت نہ دی تو میڈرڈ پر پابندیاں عائد کی جا سکتی ہیں۔

مزید پڑھیں:ٹرمپ کے دعوے بے نقاب؛ امریکی حملوں سے ایرانی ایٹمی پروگرام تباہ نہ ہو سکا، سی این این اور دیگر ذرائع کی تردید

ٹرمپ نے اسپین کو اس بات پر بھی تنقید کا نشانہ بنایا تھا کہ وہ اپنے مجموعی قومی پیداوار کا پانچ فیصد دفاعی اخراجات کے لیے مختص کرنے سے انکار کر رہا ہے۔