بیرسٹر سیف کی ارشد ندیم کی کامیابی پر قوم کو مبارکباد

🗓️ 10 اگست 2024

سچ خبریں: خیبرپختونخوا کے مشیر اطلاعات، بیرسٹر محمد علی سیف نے ارشد ندیم کی کامیابی پر قوم کو مبارکباد دی ہے۔

پشاور میں پریس کانفرنس کے دوران انہوں نے ارشد ندیم کی تاریخی کامیابی پر خوشی کا اظہار کرتے ہوئے کہا کہ ملک کا جمہوری نظام ہر شہری کو اپنی صلاحیتوں کو ابھارنے کا موقع فراہم کرتا ہے۔

یہ بھی پڑھیں: پوری پاکستانی قوم ارشد ندیم کی طرف سے پرُامید ہے: شیخ رشید

انہوں نے ملک میں موجودہ سیاسی اور دیگر مسائل کا ذکر کرتے ہوئے کہا کہ الیکشن ایکٹ میں کی گئی ترامیم کے ذریعے آئین کی خلاف ورزی کی گئی ہے اور اس کا اثر براہ راست انتخابی نظام پر پڑ رہا ہے۔

بیرسٹر سیف نے مزید کہا کہ جنہوں نے عوامی مینڈیٹ چوری کیا ہے، وہ آئین کی پامالی کے مرتکب ہوئے ہیں، اور یہ کوئی معمولی خلاف ورزی نہیں ہے۔

مشیر اطلاعات نے یہ بھی بتایا کہ وزیراعلیٰ نے دو دن قبل اسٹریٹ کرائمز کے حوالے سے پولیس کے ساتھ بات چیت کی ہے اور خیبرپختونخوا میں جرائم کی شرح دیگر صوبوں کے مقابلے میں کم ہے۔

انہوں نے مزید کہا کہ سی ٹی ڈی کو 3 ارب روپے سے زائد کے فنڈز جاری کیے گئے ہیں، جبکہ وفاق کو بجلی کے بقایاجات کی مد میں 1600 ارب روپے ادا کرنے ہیں۔

مزید پڑھیں: پیرس اولمپکس میں گولڈ میڈل لانے کی واحد امید

آخر میں انہوں نے واضح کیا کہ وزیراعلیٰ کا اسلام آباد پر چڑھائی کا کوئی ارادہ نہیں تھا، بلکہ وہاں جلسہ کرنے کی بات کی گئی تھی۔