ارشد ندیم کی تاریخی کامیابی پر قومی اسمبلی کا ردعمل

?️ 10 اگست 2024

سچ خبریں: پیرس اولمپکس میں ارشد ندیم کی تاریخی کامیابی پر قومی اسمبلی میں ایک قرارداد پیش کی گئی۔

پیرس اولمپکس میں ارشد ندیم کی تاریخی کامیابی پر پیپلز پارٹی کی رکن سحر کامران نے قرارداد پیش کی جس میں انہیں اولمپکس میں کامیابی اور سونے کا تمغہ جیتنے پر مبارکباد دی گئی۔

یہ بھی پڑھیں: پوری پاکستانی قوم ارشد ندیم کی طرف سے پرُامید ہے: شیخ رشید

قرارداد کے متن کے مطابق ارشد ندیم نے پیرس اولمپکس 2024ء میں 92.97 میٹر کی جیولین تھرو کر کے ایک نیا ریکارڈ قائم کیا ہے۔

اس قرارداد میں کہا گیا ہے کہ ایوان ارشد ندیم کی مستقل مزاجی اور محنت کو بھرپور خراج تحسین پیش کرتا ہے اور حکومت سے مطالبہ کرتا ہے کہ ارشد ندیم کی بھرپور عزت افزائی کی جائے۔

مزید یہ بھی کہا گیا کہ حکومت کھیلوں کے فروغ کے لیے مؤثر اقدامات اٹھائے تاکہ عالمی سطح پر پاکستان کا نام مزید روشن ہو۔

یاد رہے کہ گزشتہ روز پاکستان کے جیولین تھرو کے ماہر ارشد ندیم نے پیرس اولمپکس میں شاندار کارکردگی کا مظاہرہ کرتے ہوئے 40 سال بعد پاکستان کے لیے گولڈ میڈل جیتا۔

مزید پڑھیں: پیرس اولمپکس میں گولڈ میڈل لانے کی واحد امید

انہوں نے اولمپکس کی تاریخ کی سب سے طویل 92.97 میٹر کی تھرو کرکے یہ کارنامہ سرانجام دیا۔