امریکی اور سعودی وزرائے خارجہ کا علاقائی صورتحال پر تبادلہ خیال 

سچ خبریں:امریکی وزیر خارجہ مارکو روبیو اور ان کے سعودی ہم منصب فیصل بن فرحان کے درمیان ٹیلی فون پر خطے کی موجودہ صورتحال پر تفصیلی گفتگو ہوئی۔

سرکاری ذرائع کے مطابق دونوں وزرائے خارجہ نے باہمی اقتصادی تعاون کے فروغ اور علاقائی امن و استحکام سے متعلق امور پر تبادلہ خیال کیا۔ اس ٹیلی فونک مشاورت میں دونوں ممالک کے مابین قریبی ہم آہنگی کو برقرار رکھنے پر بھی زور دیا گیا۔

واضح رہے کہ یہ اعلیٰ سطحی رابطہ ایسے وقت میں ہوا ہے جب مشرق وسطیٰ میں امن و استحکام کے حوالے سے بین الاقوامی کوششیں جاری ہیں۔ دونوں ممالک کے درمیان اس ملاقات کو خطے کی موجودہ صورتحال کے تناظر میں انتہائی اہم قرار دیا جا رہا ہے۔