پی ٹی آئی کی درخواست مسترد، پنجاب میں الیکشن کیلئے آر اوز بیوروکریسی سے لینے کا فیصلہ

🗓️

اسلام آباد:(سچ خبریں) الیکشن کمیشن نے پاکستان تحریک انصاف (پی ٹی آئی) کی درخواست کو مسترد کرتے ہوئے پنجاب میں ہونے والے عام انتخابات کے لیے انتخابی افسران بیوروکریسی سے لے لیے ہیں۔

الیکشن کمیشن نے انتخابات کے لیے آر اوز، ڈی آر اوز اور اے آر اوز کی تعیناتی کر دی ہے اور یہ تمام تعیناتیاں بیورو کریسی سے کی گئی ہیں۔

الیکشن کمیشن کے مطابق پنجاب میں انتخابات کے لیے 36 ڈی آر اوز کی تعیناتی کردی گئی اور اس سلسلے میں ان ڈی آر اوز کے ساتھ ساتھ آر اوز کو بھی بیوروکریسی سے لیا گیا ہے۔

الیکشن کمیشن نے پنجاب میں انتخابی عمل کے لیے 297 آر اوز اور 594 اے آر اوز کی بھی تعیناتی بھی کر دی ہے۔

کمیشن نے خواتین اور اقلیتوں کی نشستوں کے لیے بھی آر او کی تعیناتی کر دی ہے اور خواتین اور اقلیتوں کی نشستوں کے لیے سعید گل کی بطور آر او تعیناتی کر دی گئی۔

گزشتہ روز پی ٹی آئی کے وفد نے چیف الیکشن کمشنر سکندر سلطان راجا سے ملاقات کی تھی اور مطالبہ کیا تھا کہ ریٹرننگ افسران بیورو کریسی کے بجائے عدلیہ سے ہونے چاہئیں۔

ذرائع کے مطابق سابق حکمران جماعت نے موجودہ نگراں حکومت کے اثرورسوخ کی نشان دہی کرتے ہوئے بیوروکریسی کی غیرجانب داری کے حوالے سے تحفظات کا اظہار کیا ہے۔

ان کا کہنا تھا کہ چیف الیکشن کمشنر نے پی ٹی آئی کو بتایا کہ الیکشن کمیشن آف پاکستان نے عدلیہ سے آر اوز لینے کی کوشش کی تھی لیکن لاہور ہائی کورٹ نے اس معاملے پر معذرت کر لی۔

انہوں نے کہا کہ اب ہمارے پاس بیوروکریسی سے مدد لینے کے سوا اور کوئی چارہ نہیں اور اس سلسلے میں کسی بھی قسم کی تاخیر الیکشن میں التوا کا سبب بنے گی۔

مذکورہ ملاقات کے بعد شاہ محمود قریشی نے میڈیا سے گفتگو کرتے ہوئے کہا تھا کہ ہم نے یہ ملاقات چیئرمین عمران خان کی اجازت سے کی تھی۔

ان کا کہنا تھا کہ الیکشن کمیشن پر شفاف انتخابات کی بہت بڑی ذمہ داری ہے، ہم نے منصفانہ اور شفاف انتخابات کی بات کی، ملاقات بہت اچھے ماحول میں ہوئی۔

ان کا کہنا تھا کہ ہم نے الیکشن کمیشن کے سامنے اپنے تحفظات کا اظہار کیا، الیکشن کمیشن نے تحمل سے ہماری بات سنی، ہم اپنے چیئرمین کو ملاقات کے بارے میں آگاہ کریں گے اور میں اس ملاقات سے مطمئن ہوں۔

دوسری جانب آج چیف الیکشن کمشنر کی زیر صدارت الیکشن کمیشن آف پاکستان کا اجلاس منعقد ہوا جہاں آئندہ انتخابات سے قبل پنجاب اور خیبرپختونخوا میں امن و امان کی صورت حال پر تبادلہ خیال کیا گیا۔

الیکشن کمیشن کا اجلاس چیف الیکشن کمشنر سکندر سلطان راجا کی زیر صدارت منعقد ہوا، جس میں کمیشن کے اراکین، قانون نافذ کرنے والے اداروں اور انٹیلی جنس ایجنسیوں کے نمائندوں نے شرکت کی۔

شرکا کو آزادانہ، منصفانہ، پرامن اور شفاف انتخابات کے حوالے سے دونوں صوبوں میں سیکیورٹی کی صورت حال پر تفصیلی بریفنگ دی گئی۔

اجلاس کے اختتام پر چیف الیکشن کمشنر نے تمام شرکا کا شکریہ ادا کرتے ہوئے اس اعتماد کا اظہار کیا کہ فراہم کردہ معلومات کمیشن کو دونوں صوبوں میں پرامن اور شفاف انتخابات یقینی بنانے کے لیے ضروری اقدامات کرنے کے قابل بنائے گی۔

مشہور خبریں۔

ایران انٹرنیشنل چینل کے رپورٹر کا اقوام متحدہ کے اجلاس سے اخراج

🗓️ 19 نومبر 2022سچ خبریں:ایران انٹرنیشنل دہشت گرد چینل کی رپورٹر مریم رحمتی کو منگل

جان بولٹن نے روسی حکومت کا تختہ الٹنے کا مطالبہ کیا

🗓️ 6 اکتوبر 2022سچ خبریں:   ڈونلڈ ٹرمپ کے دورِ صدارت میں امریکی قومی سلامتی کے

  سنگل ڈوز چینی ویکسین جمعرات کو پاکستان پہنچنے کا امکان ہے:وزارت صحت

🗓️ 23 مارچ 2021اسلام آباد(سچ خبریں)وزارت صحت حکام کا کہنا ہے کہ سنگل ڈوزچینی ویکسین

امریکہ یورپ میں عالمی جنگ چاہتا ہے: فرانسیسی سیاستداں

🗓️ 21 جنوری 2023سچ خبریں: پیٹریاٹک پارٹی کے رہنما فلورین فلپیٹ نے امریکہ اور یورپی

ہزاروں فرانسیسی شہریوں کا میکرون کے استعفے کا مطالبہ

🗓️ 18 ستمبر 2022سچ خبریں:سردی کا موسم قریب آنے نیز بجلی اور گیس کی کٹوتی

حماس کو شکست دینا ناممکن ہے: صیہونی جنرل

🗓️ 3 جولائی 2024سچ خبریں: اسرائیلی فوج کے ریزرو جنرل اسحاق برک نے کہا کہ فوج

فلوریڈا میں میری حویلی پر حملہ فوجی بغاوت جیسا تھا: ٹرمپ

🗓️ 21 ستمبر 2022سچ خبریں:    ریاستہائے متحدہ امریکہ کے سابق صدر ڈونلڈ ٹرمپ نے

پی ٹی آئی امیدواروں کو مختلف انتخابی نشانات الاٹ

🗓️ 14 جنوری 2024اسلام آباد:(سچ خبریں) الیکشن کمیشن نے پاکستان تحریک انصاف (پی ٹی آئی)

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے