پیرا کی بدولت پورے پنجاب میں اب قانون پر عمل ہوتا نظر آئے گا۔ مریم نواز

?️ 15 جولائی 2025

لاہور (سچ خبریں) وزیراعلی پنجاب مریم نواز نے کہا ہے کہ پیرا کی بدولت پورے پنجاب میں اب قانون پر عمل ہوتا نظر آئے گا۔

تفصیلات کے مطابق وزیراعلی پنجاب مریم نواز نے تقریب سے خطاب کرتے ہوئے کہا کہ پنجاب کے لوگوں کی خدمت کر رہے ہیں۔ اور پنجاب کے لوگوں کی خدمت کو فرض سمجھتی ہوں۔ مہنگائی کو کنٹرول کرنے کے لیے اقدامات جاری ہیں۔

ذرائع کے مطابق انہوں نے کہا کہ کمشنرز اپنا کام چھوڑ کر قیمتیں کنٹرول کرنے میں مصروف ہیں۔ اور پنجاب کے بازاروں کو خواتین کے لیے محفوظ بنا دیا ہے۔ تجاوزات کی وجہ سے بازار چھوٹے اور تنگ ہو گئے تھے۔ اس لیے تجاوزات کے خلاف بلاتفریق ایکشن لیا۔

مریم نواز نے کہا کہ مصنوعی مہنگائی کنٹرول کرنے کے لیے کوئی فورس نہیں تھی۔ اور جب وزیراعلیٰ بنی تو پتہ چلا کہ پرائس کنٹرول ڈیپارٹمنٹ آؤٹ سورس ہے۔ امن و امان اور حکومتی احکامات پر عملدرآمد کے لیے ایک ادارے کی ضرورت ہے۔

انہوں نے کہا کہ پیرا کی تربیت دیکھ کر خوشی ہوئی۔ اس کی 8 ہزار سے زائد فورس ہوگی۔ اور پیرا لاہور میں اگلے ہفتے سے کام شروع کر دے گی۔ طاقت اللہ کی امانت ہے جو ریاست کے پاس ہے۔