پولیو کے 100 فیصد خاتمے کا ہدف ہمارا مشترکہ مشن ہے۔ مریم نواز

?️ 24 اکتوبر 2025

لاہور (سچ خبریں) وزیراعلیٰ پنجاب مریم نواز نے کہا ہے کہ پولیو کے مکمل خاتمے سے ہی بچوں کی صحت اور محفوظ مستقبل کو یقینی بنایا جا سکتا ہے۔

مریم نوازنے کہا کہ پولیو سے نجات کے ہدف کے حصول کے لیے عوام کا بھرپور تعاون ناگزیر ہے، مریم نواز نے واضح کیا کہ انسدادِ پولیو ویکسینیشن سے انکار، بچوں کے بہتر مستقبل سے انکار کے مترادف ہے۔ وزیراعلیٰ پنجاب نے پولیو ورکرز کو قوم کے ہیرو قرار دیتے ہوئے کہا کہ حکومت ان کی خدمات کی قدر کرتی ہے اور انہیں سلام پیش کرتی ہے۔

انہوں نے والدین پر زور دیا کہ وہ بچوں کو پولیو سے بچاؤ کے قطرے لازمی پلائیں کیونکہ انسداد پولیو ویکسین محفوظ، مؤثر اور بچوں کی زندگیوں کے تحفظ کے لیے ضروری ہے۔

انہوں نے کہا کہ پولیو کے 100 فیصد خاتمے کا ہدف ہم سب کا قومی مشن ہے جس کے لیے عوام، ورکرز اور حکومت کو ایک ساتھ کام کرنا ہوگا۔