سچ خبریں:صیہونی حکومت کے سابق وزیر اعظم نے کہا کہ اگر وہ دوبارہ اس عہدہ تک پہنچ جاتے ہیں تو وہ سعودی عرب اور دیگر عرب ممالک کے ساتھ امن معاہدے تک پہنچنے کا ارادہ رکھتے ہیں۔
رشیا الیوم کی رپورٹ کے مطابق صیہونی حکومت کے سابق وزیراعظم بنجمن نیتن یاہو نے کہا کہ اگر وہ دوبارہ یہ عہدہ سنبھالتے ہیں تو وہ سعودی عرب اور دیگر عرب ممالک کے ساتھ سمجھوتہ کرنے کا ارادہ رکھتے ہیں۔
رپورٹ کے مطابق بنجمن نیتن یاہو نے اپنے ٹوئٹر پیج پر لکھا کہ اگر میں دوبارہ اسرائیل کی قیادت سنبھالتا ہوں تو میں سعودی عرب اور دیگر عرب ممالک کے ساتھ امن معاہدے کرنے کا ارادہ رکھتا ہوں، انہوں نے مزید کہا کہ میں سعودی ولی عہد شہزادہ محمد بن سلمان کا شکریہ ادا کرتا ہوں کہ انہوں نے ابراہیم معاہدے سمیت چار تاریخی امن معاہدوں کو عملی جامہ پہنانے میں مدد کی۔
اسی دوران عبرانی میڈیا نے اس ماہ کے وسط میں امریکی صدر جو بائیڈن کے خطے کے دورے کے دوران صیہونی حکومت اور سعودی عرب کے درمیان ممکنہ بڑے معاہدے کے انعقاد کا اعلان کیا، ذرائع ابلاغ نے مزید کہا کہ اسرائیل بائیڈن کے خطے کے دورے کے دوران سعودی عرب کو فضائی دفاعی نظام فروخت کرنے کا ارادہ رکھتا ہے۔