سعد اور انس رضوی ہماری تحویل میں نہیں ہیں۔ آئی جی پنجاب

?️ 24 اکتوبر 2025

لاہور (سچ خبریں) آئی جی پنجاب عثمان انور نے واضح کیا ہے کہ سعد رضوی اور انس رضوی اس وقت پولیس کی تحویل میں نہیں ہیں۔

عثمان انور نے کہا کہ دونوں افراد کو ان کے ساتھی راستے میں چھڑوا کرلے گئے پولیس نے اس واقعے کی تفصیلات جمع کرلی ہیں اور معاملے کی تحقیقات جاری ہیں۔

ان کا کہنا تھا کہ اگر سعد رضوی اور انس رضوی خود کو قانون کے حوالے کرتے ہیں تو ان کے خلاف کارروائی مکمل طور پر قانون کے مطابق کی جائے گی۔

آئی جی پنجاب نے کہا کہ کسی بھی شہری یا سیاسی رہنما کے ساتھ امتیازی سلوک نہیں کیا جا رہا، تمام کارروائیاں عدالتی احکامات اور قانونی تقاضوں کے مطابق انجام دی جا رہی ہیں۔

پولیس امن و امان برقرار رکھنے اور قانون کی بالادستی کے لیے اپنا کردار ادا کرتی رہے گی۔