اسلام آباد( سچ خبریں) وزیراعظم شہباز شریف کی منظوری کے بعد مزید 3 معاونین خصوصی کی تعیناتی کا نوٹی فکیشن جاری کردیا گیا ۔ نوٹیفکیشن کے مطابق شاہ اویس نورانی ، ڈاکٹرجہانزیب خان اور ظفرالدین محمود وزیراعظم کے معاونین خصوصی ہوں گے ، تینوں معاونین خصوصی کا درجہ وزیرمملکت کے برابر ہوگا۔
خیال رہے کہ 8 جون کو بھی وزیراعظم شہباز شریف نے محمد جنید انوار چوہدری ، سینیٹر حافظ عبدالکریم ، شیخ فیاض الدین اور رومینہ خورشید کو اپنا معاون خصوصی مقرر کیا تھا جب کہ طارق فاطمی ، محمد صادق ، سید فہد حسین اور شزہ فاطمہ کو پہلے ہی معاون خصوصی مقرر کیا گیا ہے۔
ادھر وزیر اعظم شہباز شریف کی جانب سے بطور معاونین خصوصی کی گئی نئی تعیناتیوں پر تنقید کرتے ہوئے سینئر صحافی کامران خان نے کہا ہے کہ مال مفت دل بے رحم! پہلے ہی فوج ظفر موج موجود ہے ، اپ کو کابینہ میں آخر کتنے وزراء ، مشیران ، معاونین خصوصی چاہئیں؟ خدارا پاکستان پر رحم کریں۔
سماجی رابطوں کی ویب سائٹ ٹوئٹر پر انہوں نے کہا کہ شہباز شریف صاحب رحم فرمائیں ، آئی ایم ایف کے سامنے سرنگوں ہیں کیوں کہ فوری 41 ارب ڈالر کے قرضے درکار ہیں ، 4000 ارب رپے صرف سود ادائیگی میں ادا کرنے ہیں
