عمر ایوب خان کی ایمل ولی خان کے خلاف ایف آئی آر درج کروانے کی درخواست

?️

اسلام آباد: (سچ خبریں)پی ٹی آئی  کے رہنما عمر ایوب خان نے  اے این پی کے رہنما ایمل ولی خان کے خلاف پارٹی چیئرمین اور سابق وزیر اعظم عمران خان کو مبینہ طور پر جان لیوا دھمکیاں دینے کے الزام میں ایف آئی آر درج کروانے کی درخواست جمع کروا دی۔

میڈیا رپورٹس کے مطابق پی ٹی آئی کے ایڈیشنل جنرل سیکریٹری عمر ایوب خان کی جانب سے یہ درخواست سیکریٹریٹ پولیس اسٹیشن میں درج کرائی گئی ہے، تاہم پولیس نے کہا کہ درخواست پر رائے کے لیے قانونی برانچ کو خط بھیج دیا گیا ہے۔

درخواست کے مطابق ایمل ولی خان نے ایک اجتماع سے خطاب کرتے ہوئے کہا تھا کہ ’اس ملک کو اگر محفوظ بنانا ہے تو عمران خان کو ٹھکانے لگانا ہوگا‘۔

شکایت کنندہ نے کہا کہ ایمل ولی خان نے یہ دعویٰ موجودہ حکومت کے اہم عہدے پر فائز لوگوں کی موجودگی میں کیا، ان کے پاس ایمل ولی خان کے بیان کی ویڈیو کلپ بھی موجود ہے۔

درخواست میں کہا گیا کہ عامر کیانی اور صبغت اللہ ورک ایمل ولی خان کے اس بیان کے گواہ ہیں، اس سے قبل انٹیلی جنس ایجنسیوں اور اداروں نے عمران خان کو بھیجے گئے مختلف خطوط میں متنبہ کیا تھا کہ ان کی جان کو خطرہ ہے۔

درخواست میں کہا گیا ہے کہ سازش میں ملوث افراد کے خلاف فوری طور پر مقدمہ درج کیا جائے اور ایمل ولی خان کو گرفتار کیا جائے۔

اسلام آباد پولیس کے پی آر او نے تصدیق کی کہ پولیس کو درخواست موصول ہوچکی ہے اور اسے سیکریٹریٹ تھانے کی روزانہ کی ڈائری میں درج کر لیا گیا ہے۔

تاہم انہوں نے کہا کہ یہ ایک سیاسی بیان ہے اور ایسے بیانات پر مقدمات درج نہیں ہوتے، یہ بیان قابل سزا جرم نہیں ہے تاہم درخواست کے مواد کو مدنظر رکھتے ہوئے اس پر پولیس کی پراسیکیوشن برانچ سے قانونی رائے طلب کرنے کے لیے خط بھیج دیا گیا ہے۔

مشہور خبریں۔

نواز شریف کی سیاسی حریف عمران خان کے خلاف بھرپور کارروائی کی حمایت

?️ 24 مارچ 2023اسلام آباد:(سچ خبریں) پاکستان مسلم لیگ (ن) کے قائد نواز شریف نے

صیہونیوں کے ساتھ تعلقات کے خلاف مراکشی باشندوں کے مظاہرے

?️ 24 دسمبر 2021سچ خبریں:مراکشی حکومت کےصیہونی حکومت کے ساتھ تعلقات کو معمول پر لانے

لاہور: آصف زرداری کا ایک بارپھر ’چارٹر آف اکانومی‘ کی ضرورت پر زور

?️ 8 جون 2023لاہور: (سچ خبریں) وفاق میں براجمان حکمران اتحاد کے اہم رہنما، سابق

غیرسرکاری نتائج کے مطابق آیت اللہ ابراہیم رئیسی ایران کے نئے صدر منتخب ہوگئے

?️ 19 جون 2021تہران (سچ خبریں) غیرسرکاری نتائج کے مطابق صدارتی امیدوار آیت اللہ ابراہیم

عراق میں داعش کا ایک اہم سرغنہ گرفتار

?️ 30 جنوری 2021سچ خبریں:الحشد الشعبی فورسز نے شمالی عراق میں داعشی دہشت گرد تنظیم

پاک – چین کے سفارتی تعلقات کے 70 سال مکمل، ہوگا جشن

?️ 2 مارچ 2021اسلام آباد{سچ خبریں} چین اور پاکستان کے بیچ سفارتی تعلقات کے قیام

وزیراعظم کی آذربائیجان کیساتھ معاہدوں، ایم او یوز پر جلد عمل درآمد کرنے کی ہدایت

?️ 4 مارچ 2025اسلام آباد: (سچ خبریں) وزیراعظم شہباز شریف نے حالیہ دورہ آذربائیجان کے

آنکارا اور تل ابیب کے درمیان کشیدگی؛ وجہ؟

?️ 30 جولائی 2024سچ خبریں: عراق کے ماہر اور تجزیہ نگار مهند العزاوی نے فلسطین کی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے