شہباز شریف کا ملک سے باہر جانے پر فردوس عاشق کا رد عمل سامنے آگیا

?️ 9 مئی 2021

لاہور(سچ خبریں) لاہور میں پریس کانفرنس کے دوران فردوس عاشق اعوان نے کہا کہ نے شہباز شریف پر شدید تنقید کرتے ہوئے کہا کہ اس سے قبل نواز شریف بیماری کو بہانہ بنا کر ملک سے فرار ہو گئے تھے اور انہوں نے کہا تھا کہ 4 ہفتوں میں واپس آجاوں گا لیکن ابھی تک نہیں آئے اور اب شہباز بھی وہی کام کرنا چاہتے ہیں انہوں نے کہا کہ شہباز شریف نے نوازشریف کی ضمانت دی تھی نوازشریف کوواپس لانے کی بجائے شہباز شریف نے فرار ہونے کی کوشش کی، شہباز شریف پر کرپشن ،منی لانڈرنگ اور کک بیکس کے الزامات ہیں۔

شہباز شریف کرپشن کے الزامات کا سامنا کرنے کی بجائے بیرون ملک جانا چاہتے تھے، شہبازشریف کرپشن ،منی لانڈرنگ اورکک بیکس کیسز کا سامنا کریں، ان کی جائیدادیں اور اولاد باہر ہیں، عید بھی وہ باہر منانا چاہتے ہیں۔ علاج معالجےکی آڑ میں یہ لوگ باہر اپنی جائیدادیں بچانے کے لئے ہاتھ پاوَں مار رہے ہیں،عید پاکستان میں کریں، آپ کو باہر جانے کی کیا جلدی ہے۔

معاون خصوصی نے کہا کہ وزیر اعظم عمران خان یکساں قانون کے نفاذ کے لئے جنگ لڑرہے ہیں، نظام میں موجود خامیوں کو دور کرنے کے لئے اصلاحات کررہے ہیں، بیرون ملک مقیم پاکستانی ملک میں کثیر زرمبادلہ بھیجتے ہیں، وزیر اعظم نے بیرون ملک مقیم پاکستانیوں کو ووٹ کاحق دیا، وزیر اعظم نے بیرون ملک مقیم پاکستانیوں سے اپنا وعدہ پورا کیا۔

فردوس عاشق اعوان نے کہا کہ کورونا کیسز میں کمی لانے کے لئے لاک ڈاوَن لگایا گیا ہے، کورونا لاک ڈاوَن لگانے کا باقاعدہ نوٹی فکیشن جاری ہوچکا ہے، عوام کورونا ایس او پیز پر سختی سے عمل کریں۔