?️
اسلام آباد: (سچ خبریں) سیاسی رہنماؤں نے جسٹس قاضی فائز عیسیٰ کو بطور 29ویں چیف جسٹس آف پاکستان تعیناتی پر مبارکباد دی ہے اور امید ظاہر کی ہے کہ ان کی زیرِ قیادت عدالت بلاامتیاز انصاف کی فراہمی یقینی بنائے گی۔
میڈیا رپورٹ کے مطابق سابق وزیراعظم شہباز شریف اور مسلم لیگ (ن) کی چیف آرگنائزر مریم نواز شریف نے امید ظاہر کی کہ نئے چیف جسٹس کے دور میں انصاف کے اصولوں کو برقرار رکھا جائے گا۔
چیف جسٹس قاضی فائز عیسیٰ کو ان کی نئی ذمہ داریوں پر مبارکباد دیتے ہوئے شہباز شریف نے زور دیا کہ انصاف کی فراہمی صرف آئین، قانون اور قواعد کی پاسداری سے ہی ممکن ہے۔
ایک بیان میں سابق وزیراعظم نے نئے چیف جسٹس کے لیے نیک خواہشات کا اظہار کیا اور کہا کہ عوام انصاف کی فراہمی کے منتظر ہیں۔
انہوں نے امید ظاہر کی کہ اس تعیناتی سے پوری دنیا میں پاکستان کی عدلیہ کے وقار اور ساکھ میں اضافہ ہوگا۔
مریم نواز نے بھی نئے چیف جسٹس کا خیر مقدم کیا اور امید ظاہر کی کہ ان کی تعیناتی کے ساتھ عدالتوں میں انصاف کی واپسی ہوگی۔
گزشتہ روز پارٹی اجلاس سے خطاب کرتے ہوئے انہوں نے کہا کہ امید ہے کہ انصاف کا ترازو ہر شہری کے لیے متوازن ہو گا، سربراہ مسلم لیگ (ن) نواز شریف سمیت دیگر پارٹی رہنماؤں کے ساتھ ’پروجیکٹ عمران‘ کے ذریعے ہونے والی ناانصافیوں سے نجات ملے گی۔
نگران وزیراعلیٰ بلوچستان علی مردان خان ڈومکی نے بھی چیف جسٹس قاضی فائز عیسیٰ کو حلف اٹھانے پر مبارکباد دی۔
انہوں نے ایوان صدر اسلام آباد میں تقریب حلف برداری میں شرکت کے بعد انہیں مبارکباد دی اور عدلیہ کا اعلیٰ ترین عہدہ سنبھالنے پر نئے چیف جسٹس کے لیے نیک خواہشات کا اظہار کیا۔
ایک بیان میں سابق اسپیکر قومی اسمبلی راجا پرویز اشرف نے چیف جسٹس کو مبارکباد دی، اپنے پیغام میں انہوں نے کہا کہ چیف جسٹس قاضی فائز عیسیٰ تجربہ کار قانونی ماہر ہیں۔
انہوں نے امید ظاہر کی کہ عدلیہ ان کی مدبرانہ قیادت میں آئین اور قانون کی پاسداری کرتے ہوئے انصاف فراہم کرے گی۔
راجا پرویز اشرف نے یہ امید بھی ظاہر کی کہ پارلیمنٹ، ایگزیکٹو اور عدلیہ سمیت ریاست کے تمام ادارے عام شہریوں کی تکالیف کو دور کرنے کے لیے مل کر کام کریں گے۔
انہوں نے مزید کہا کہ ملک کی ترقی کا انحصار آئین کی بالادستی اور قانون کی حکمرانی پر ہے، انصاف کی فوری فراہمی سے سماج میں نظم و ضبط اور ہم آہنگی آئے گی۔
پیپلز پارٹی کی سینیٹر شیری رحمٰن نے جسٹس فائز عیسیٰ کو حلف اٹھاتے وقت اپنی اہلیہ کو ساتھ کھڑا کرنے پر سراہا۔
شیری رحمٰن نے سوشل میڈیا پلیٹ فارم ’ایکس‘ (ٹوئٹر) پر اپنی پوسٹ میں لکھا کہ یہ دیکھ کر خوشی ہوئی کہ جسٹس قاضی فائز عیسیٰ نے اپنی اہلیہ کو بھی حلف برداری میں اپنے ساتھ کھڑے ہونے کو کہا، یہ خواتین کی نمائندگی، شمولیت اور مساوات کے حوالے سے ایک اہم پیغام ہے۔
ایک اور بیان میں نگران وفاقی وزیر برائے قومی ورثہ و ثقافت جمال شاہ نے بھی نئے چیف جسٹس کو مبارکباد دی۔
مشہور خبریں۔
توہین عدالت کی کارروائی کی گئی تو پیپلز پارٹی شہباز شریف کا ساتھ دے گی، ساجد طوری
?️ 9 اپریل 2023اسلام آباد:(سچ خبریں) وفاقی وزیر برائے سمندر پار پاکستانی ساجد حسین طوری
اپریل
صہیونی فوج میں ایران پر حملے کے غیر متوقع نتائج کا خوف وہراس
?️ 30 دسمبر 2021سچ خبریں:صہیونی میڈیا نے تسلیم کیا کہ قابض حکومت کی فوج ممکنہ
دسمبر
حزب اللہ نے صیہونی فوجیوں کو نشانہ بنایا
?️ 1 اکتوبر 2024سچ خبریں: لبنان کی حزب اللہ نے آج منگل کی صبح اعلان
اکتوبر
شوٹنگ کے دوران یمنٰی زیدی کی سیڑھیوں سے گرنے کی ویڈیو وائرل
?️ 14 مئی 2024کراچی: (سچ خبریں) اداکارہ یمنیٰ زیدی کی شوٹنگ کے دوران سیڑھیوں سے
مئی
پاک فوج کا بہاول نگر واقعہ کی مشترکہ انکوائری کا اعلان
?️ 13 اپریل 2024راولپنڈی: (سچ خبریں) پاک فوج نے بہاول نگر واقعہ کے ذمہ داران
اپریل
یمن کی معیشت کی تباہی میں امریکی جاسوسی نیٹ ورک کی تفصیلات
?️ 23 جون 2024سچ خبریں: یمن کے سیکورٹی اداروں نے نئے منقطع جاسوسی نیٹ ورک
جون
سعودی اور اسرائیلی حکام کی خفیہ ملاقاتوں کا انکشاف
?️ 23 ستمبر 2023سچ خبریں:صیہونی حکومت کے قومی ریڈیو اور ٹیلی ویژن نیٹ ورک کی
ستمبر
صفائی کے بہترین انتظامات پر انتظامیہ مبارکباد کی مستحق ہے: بزدار
?️ 24 جولائی 2021لاہور (سچ خبریں) وزیراعلیٰ عثمان بزدار نے عیدالاضحی کے تینوں روز لاہور
جولائی