سیاسی قیادت نئے چیف جسٹس آف پاکستان سے بلاامتیاز انصاف کی فراہمی یقینی بنانے کیلئے پُرامید

?️

اسلام آباد: (سچ خبریں) سیاسی رہنماؤں  نے جسٹس قاضی فائز عیسیٰ کو بطور 29ویں چیف جسٹس آف پاکستان تعیناتی پر مبارکباد دی ہے اور امید ظاہر کی ہے کہ ان کی زیرِ قیادت عدالت بلاامتیاز انصاف کی فراہمی یقینی بنائے گی۔

میڈیا رپورٹ کے مطابق سابق وزیراعظم شہباز شریف اور مسلم لیگ (ن) کی چیف آرگنائزر مریم نواز شریف نے امید ظاہر کی کہ نئے چیف جسٹس کے دور میں انصاف کے اصولوں کو برقرار رکھا جائے گا۔

چیف جسٹس قاضی فائز عیسیٰ کو ان کی نئی ذمہ داریوں پر مبارکباد دیتے ہوئے شہباز شریف نے زور دیا کہ انصاف کی فراہمی صرف آئین، قانون اور قواعد کی پاسداری سے ہی ممکن ہے۔

ایک بیان میں سابق وزیراعظم نے نئے چیف جسٹس کے لیے نیک خواہشات کا اظہار کیا اور کہا کہ عوام انصاف کی فراہمی کے منتظر ہیں۔

انہوں نے امید ظاہر کی کہ اس تعیناتی سے پوری دنیا میں پاکستان کی عدلیہ کے وقار اور ساکھ میں اضافہ ہوگا۔

مریم نواز نے بھی نئے چیف جسٹس کا خیر مقدم کیا اور امید ظاہر کی کہ ان کی تعیناتی کے ساتھ عدالتوں میں انصاف کی واپسی ہوگی۔

گزشتہ روز پارٹی اجلاس سے خطاب کرتے ہوئے انہوں نے کہا کہ امید ہے کہ انصاف کا ترازو ہر شہری کے لیے متوازن ہو گا، سربراہ مسلم لیگ (ن) نواز شریف سمیت دیگر پارٹی رہنماؤں کے ساتھ ’پروجیکٹ عمران‘ کے ذریعے ہونے والی ناانصافیوں سے نجات ملے گی۔

نگران وزیراعلیٰ بلوچستان علی مردان خان ڈومکی نے بھی چیف جسٹس قاضی فائز عیسیٰ کو حلف اٹھانے پر مبارکباد دی۔

انہوں نے ایوان صدر اسلام آباد میں تقریب حلف برداری میں شرکت کے بعد انہیں مبارکباد دی اور عدلیہ کا اعلیٰ ترین عہدہ سنبھالنے پر نئے چیف جسٹس کے لیے نیک خواہشات کا اظہار کیا۔

ایک بیان میں سابق اسپیکر قومی اسمبلی راجا پرویز اشرف نے چیف جسٹس کو مبارکباد دی، اپنے پیغام میں انہوں نے کہا کہ چیف جسٹس قاضی فائز عیسیٰ تجربہ کار قانونی ماہر ہیں۔

انہوں نے امید ظاہر کی کہ عدلیہ ان کی مدبرانہ قیادت میں آئین اور قانون کی پاسداری کرتے ہوئے انصاف فراہم کرے گی۔

راجا پرویز اشرف نے یہ امید بھی ظاہر کی کہ پارلیمنٹ، ایگزیکٹو اور عدلیہ سمیت ریاست کے تمام ادارے عام شہریوں کی تکالیف کو دور کرنے کے لیے مل کر کام کریں گے۔

انہوں نے مزید کہا کہ ملک کی ترقی کا انحصار آئین کی بالادستی اور قانون کی حکمرانی پر ہے، انصاف کی فوری فراہمی سے سماج میں نظم و ضبط اور ہم آہنگی آئے گی۔

پیپلز پارٹی کی سینیٹر شیری رحمٰن نے جسٹس فائز عیسیٰ کو حلف اٹھاتے وقت اپنی اہلیہ کو ساتھ کھڑا کرنے پر سراہا۔

شیری رحمٰن نے سوشل میڈیا پلیٹ فارم ’ایکس‘ (ٹوئٹر) پر اپنی پوسٹ میں لکھا کہ یہ دیکھ کر خوشی ہوئی کہ جسٹس قاضی فائز عیسیٰ نے اپنی اہلیہ کو بھی حلف برداری میں اپنے ساتھ کھڑے ہونے کو کہا، یہ خواتین کی نمائندگی، شمولیت اور مساوات کے حوالے سے ایک اہم پیغام ہے۔

ایک اور بیان میں نگران وفاقی وزیر برائے قومی ورثہ و ثقافت جمال شاہ نے بھی نئے چیف جسٹس کو مبارکباد دی۔

مشہور خبریں۔

ہماری قوم کو ڈراموں میں تشدد اور مظلوم لڑکیاں دیکھنے کا نشہ ہوگیا ہے، اداکار محمد احمد

?️ 4 جون 2023لاہور: (سچ خبریں) پاکستان کے سینئر اداکار محمد احمد کہتے ہیں کہ

افغانستان میں امریکہ کی نئی سازش اور پاکستان کا واضح موقف

?️ 21 جون 2021(سچ خبریں) امریکہ کی جانب سے افغانستان میں ایک نئی سازش کی

سعودی عرب کی ایک بار پھر صیہونی فوجی طیارے کو اپنی فضائی حدود سے گزرنے کی اجازت

?️ 20 فروری 2022سچ خبریں:صہیونی میڈیا کا کہنا ہے کہ سعودی عرب نے ایک اسرائیلی

9 مئی کے پرتشدد واقعات: خدیجہ شاہ کی درخواست ضمانت پر فیصلہ محفوظ

?️ 12 اکتوبر 2023لاہور:(سچ خبریں) لاہور ہائی کورٹ نے 9 مئی کے پُرتشدد احتجاج کے

اسرائیل نے رواں سال کے آغاز سے اب تک 112 فلسطینیوں کو قتل کیا: اقوام متحدہ

?️ 4 جون 2023سچ خبریں:اقوام متحدہ نے اعلان کیا کہ صیہونی حکومت نے اس سال

یمنی عوام کا غزہ کے لیے اسلامی ممالک سے مطالبہ

?️ 2 فروری 2024سچ خبریں: غزہ کی حمایت میں مظاہرہ کرتے ہوئے یمن کے عوام

عدالت نے رانا ثناء اللّہ کے وارنٹ گرفتاری معطل کردیے

?️ 14 اکتوبر 2022راولپنڈی: (سچ خبریں) لاہور ہائی کورٹ کے راولپنڈی بنچ نے وفاقی وزیر داخلہ رانا ثناء

ہسپتال غزہ جنگ کی فرنٹ لائن 

?️ 17 اپریل 2025سچ خبریں: واللا نیوز ویب سائٹ کے مطابق غزہ کی پٹی کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے