اگر ہم امریکہ سے ڈرتے تو غزہ کے ساتھ نہ کھڑے ہوتے :انصار اللہ 

سچ خبریں:یمن کی انصار اللہ تحریک کے ایک اعلیٰ عہدیدار نے امریکہ اور اس کے اتحادیوں کی جانب سے یمن پر کیے گئے تازہ فضائی حملوں کے خلاف ردعمل کا اظہار کرتے ہوئے کہا ہے کہ یمنی عوام امریکہ سے خوفزدہ نہیں۔  

یہ بھی پڑھیں: یمن پر ایک بار پھر امریکی اور برطانوی حملے

الجزیرہ  نیوز چینل کی رپورٹ کے مطابق، انصار اللہ یمن کے میڈیا امور کے نائب سربراہ نصر الدین عامر نے کہا کہ اگر ہم امریکہ سے ڈرتے تو غزہ کے ساتھ کھڑے نہ ہوتے۔

انہوں نے مزید کہا کہ اگر ہم اللہ کی راہ میں شہادت سے خوفزدہ ہوتے، تو ہم نے جہاد کا راستہ نہ چُنا ہوتا،نصر الدین عامر نے صیہونی سازشوں پر روشنی ڈالتے ہوئے کہا کہ امریکہ اور اس پر قابض صیہونی لابی، غزہ کے عوام کو بھوکا مار کر ختم کرنے کے منصوبے کو ناقابل واپسی ہدف سمجھتی ہے، چاہے اس کے لیے انہیں یمن اور ہماری قوم کے خلاف فوجی محاذ کھولنا پڑے۔

مزید پڑھیں:شمالی یمن پر امریکی اور برطانوی فضائی حملے

واضح رہے کہ گزشتہ شب یمن کے رہائشی علاقوں کو امریکی، برطانوی اور اسرائیلی جنگی طیاروں نے بمباری کا نشانہ بنایا،یمنی پارلیمنٹ ممبران نے ایک بیان میں کہا ہے کہ یمنی مسلح افواج ان جارحیتوں کا مناسب جواب دیں گی اور یمن کی خودمختاری کے خلاف کسی بھی حملے کو بغیر ردعمل نہیں چھوڑا جائے گا۔