ہم دشمنوں کی کمزوریوں سے بخوبی واقف ہیں:یمنی عہدیدار  

سچ خبریں:یمن کی انصار اللہ حکومت کے میڈیا امور کے سربراہ زید الغرسی نے زور دے کر کہا ہے کہ صنعا کبھی بھی غزہ کو تنہا نہیں چھوڑے گا اور امریکہ کے حملے یمنی مؤقف پر کوئی اثر نہیں ڈالیں گے۔  

یہ بھی پڑھیں:یمنی مسلح افواج نے امریکی بحری بیڑے کےساتھ کیا کیا؟

شہاب نیوز ایجنسی کی رپورٹ کے مطابق یمن کی انصار اللہ حکومت کے میڈیا امور کے سربراہ زید الغرسی نے کہا کہ واشنگٹن کا یہ دعویٰ کہ اس نے یمن میں فوجی ٹھکانوں کو نشانہ بنایا ہے، سراسر جھوٹ ہے۔ حقیقت یہ ہے کہ گزشتہ شب کے حملوں میں امریکی جنگی طیاروں نے یمنی شہریوں کے گھروں کو نشانہ بنایا۔

الغرسی نے مزید کہا کہ ہمارا پیغام امریکہ کے لیے بالکل واضح ہے؛ ہم کبھی بھی غزہ کو نہیں چھوڑیں گے، اور یمن پر جارحیت ہمارے مؤقف پر اثر انداز نہیں ہو سکتی۔ ہم اپنی خودمختاری کی خلاف ورزی کو کسی صورت قبول نہیں کریں گے۔

زید الغرسی نے سابق امریکی صدر ڈونلڈ ٹرمپ کو مخاطب کرتے ہوئے کہا کہ ہمارے رہنما نے جو الفاظ کہے، ہم وہی دہراتے ہیں کہ جہنم تمہارے لیے ہے! ٹرمپ کی یمن کے خلاف دھمکیاں محض نفسیاتی جنگ ہیں، جبکہ حقیقت یہ ہے کہ اسرائیلی حکومت شدید بحرانوں میں گھری ہوئی ہے۔

مزید پڑھیں:شمالی یمن پر امریکی اور برطانوی فضائی حملے

انہوں نے مزید کہا کہ ہم اپنے دشمن کو اچھی طرح پہچانتے ہیں، اس کی کمزوریوں سے بخوبی واقف ہیں اور جانتے ہیں کہ ان سے کیسے نمٹنا ہے۔