یوکرین میں متعدد اسرائیلی فوجی مارے گئے ہیں: عبرانی میڈیا

?️ 15 مارچ 2022

سچ خبریں:ایک اسرائیلی میڈیا آؤٹ لیٹ نے انکشاف کیا ہے کہ یوکرین میں روسی فوجیوں کے ہاتھوں ہلاک ہونے والے 180 غیر ملکیوں میں کئی اسرائیلی بھی ہیں۔
عبرانی زبان کی ویب سائٹ 0404 نےاپنی ایک رپورٹ میں لکھا کہ یوکرین-پولینڈ کی سرحد کے قریب ایک اڈے پر روسی فوج کے ہاتھوں مارے جانے والے 180 غیر ملکی کرائے کے فوجیوں میں متعدد اسرائیلی بھی شامل ہیں۔

روس کی وزارت دفاع نے اتوار کو کہا کہ مغربی یوکرین کے شہر لویف میں فوجی ٹھکانوں پر حملوں میں 180 غیر ملکی جنگجو مارے گئے، عبرانی زبان کے میڈیا کے مطابق یوکرین کی حکومت کی درخواست پر دنیا بھر سے 180 غیر ملکی وہاں موجود تھے جن میں متعدد اسرائیلی فوجی بھی شامل تھے، میڈیا کے مطابق ہلاک ہونے والے زیادہ تر اسرائیلی یوکرینی نژاد تھے اور انہوں نے روس سے لڑنے کے لیے یوکرین کا سفر کیا تھا۔

یادرہے کہ قبل ازیں عبرانی زبان کے میڈیا نے یوکرین کی فوج میں اسرائیلی فوجی یونٹس کی تشکیل کی اطلاع دی تھی جو کرائے کے فوجیوں کے طور پر یوکرین آئے تھے۔