کیا بائیڈن اور نیتن یاہو کے درمیان اختلاف ہے؟ صیہونی میڈیا کیا کہتا ہے؟

🗓️ 13 دسمبر 2023

سچ خبریں: اسرائیلی میڈیا کا کہنا کہ بائیڈن کے تبصروں نے ان کے اور نیتن یاہو کے درمیان اختلافات کو بے نقاب کر دیا۔

مرکزاطلاعات فلسطین کی رپورٹ کے مطابق اسرائیلی میڈیا نے اس بات پر زور دیا کہ نیتن یاہو کے بارے میں بائیڈن کے بیانات پہلے وائٹ ہاؤس میں پرائیویٹ طور پر دیے جاتے تھے لیکن اب انہیں عوامی سطح پر دیا جاتا ہے جس سے ان کے اور نیتن یاہو کے درمیان اختلافات کا پتہ چلتا ہے۔

یہ بھی پڑھیں: میں وائٹ ہاؤس دیکھنے کو ترس گیا ہوں

صیہونی میڈیا نے کہا کہ آخرکار ہم بائیڈن اور نیتن یاہو کے تعلقات میں کشیدگی اور بحران دیکھیں گے۔

دریں اثنا، نیویارک ٹائمز نے بھی نشاندہی کی ہے کہ بائیڈن کے حالیہ بیانات سے امریکہ اور صیہونی حکومت کے درمیان خلیج اور اختلافات مکمل طور پر کھل کر سامنے آ گئے ہیں۔

اس اخبار نے زور دے کر کہا کہ بائیڈن کے حالیہ بیانات 7 اکتوبر کو غزہ میں جنگ کے آغاز کے بعد سے اسرائیل کے حوالے سے امریکی حکومت کے لہجے میں سب سے زیادہ غیر معمولی تبدیلی ہے۔

واضح رہے کہ بائیڈن نے نیتن یاہو کی کابینہ میں تبدیلی کا مطالبہ کرتے ہوئے انہیں صیہونی حکومت کی تاریخ کی سب سے انتہا پسند حکومت قرار دیا تھا اور کہا کہ اگرچہ نیتن یاہو ان کے اچھے دوست ہیں لیکن انہیں بدلنا ہوگا۔

امریکی صدر جو بائیڈن نے منگل کے روز ایک تقریر میں اعلان کیا کہ نیتن یاہو کو اپنی کابینہ میں تبدیلی کرنی چاہیے۔

امریکی صدر نے اس سلسلے میں اپنی بات جاری رکھتے ہوئے کہا کہ غزہ کے خلاف اندھا دندھ بمباری کی وجہ سے تل ابیب اپنی حمایت کھو رہا ہے۔

انہوں نے کہا کہ نیتن یاہو کو اسرائیل فلسطین تنازع کا طویل مدتی حل تلاش کرنے کے لیے اپنی کابینہ کو مضبوط اور اس میں ردوبدل کرنا چاہیے۔

جو بائیڈن نے مزید کہا کہ میں نے 100 سے زائد اسیروں کی رہائی کے لیے قطریوں اور مصریوں سے گھنٹوں بات کی۔ یہودیوں کی حفاظت داؤ پر لگی ہوئی ہے۔

مزید پڑھیں: بائیڈن اور نیتن یاہو ایک بار پھر آمنے سامنے؛کیا ہو سکتا ہے؟

انہوں نے مزید کہا کہ اسرائیل کی موجودہ کابینہ (اس جعلی حکومت کے قیام کے بعد سے) انتہائی سخت ترین کابینہ ہے اور دو ریاستی حل نہیں چاہتی۔ نیتن یاہو مستقبل میں فلسطینی ریاست کے قیام کو انکار نہیں کر سکتے۔