سچ خبریں:صیہونی جنرل جنرل ابینوعم امونه نے صیہونی فوجیوں کے ایک اجتماع میں نہتے فلسطینیوں کے قتل پر تاکید کرتے ہوئے کہا کہ فلسطینیوں کو مارو اور مزے کرو۔
القدس العربی کی رپورٹ کے مطابق صیہونی جنرل ابینوعم امونه نے اپنے ماتخت کے سپاہیوں کو فلسطینی عوام پر حملہ کرنے کے لیے روانہ ہونے سے پہلے مخاطب کرتے ہوئے کہا کہ فرار ہونے والے فلسطینیوں کو مار ڈالو۔
صیہونی جنرل نے اس حکومت کے سپاہیوں سے اپنے خطاب میں مزید کہا کہ تم اچھی طرح جانتے ہو کہ تم جنگجو افواج ہو، اس لیے فلسطینیوں کو اس وقت بھی مارو جب وہ بھاگ رہے ہوں اور مزے کرو ، میں تمہاری کامیابی کا خواہاں ہوں، اپنی تقریر کے دوران صہیونی جنرل نے صہیونی فوجیوں کو فلسطینیوں کے قتل عام کرنے کی ترغیب دلائی۔
واضح رہے کہ صیہونیوں کی نسل پرستی اور فلسطینی عوام کے خلاف ان کے جرائم اس قدر عیاں ہو چکے ہیں کہ حال ہی میں عالمی حلقوں نے بھی اس حکومت پر کھل کر تنقید کی ہے، 2022 کے آغاز میں ایمنسٹی انٹرنیشنل نے 280 صفحات پر مشتمل ایک رپورٹ میں فلسطینیوں کے خلاف نسلی امتیاز اور انسانیت کے خلاف جرائم کی وجہ سے صیہونی حکومت کو واضح طور پر نسل پرست حکومت قرار دیا جس کا عنوان تھا اسرائیل کی نسل پرست حکومت۔