غزہ جنگ کا مغربی کنارے پر کیا اثر پڑے گا؟ صیہونی وزیر جنگ کی زبانی

?️ 12 دسمبر 2023

سچ خبریں: صیہونی وزیر جنگ یواف گیلنٹ نے پیر کو ایک تقریر میں اعتراف کیا کہ غزہ جنگ میں اسرائیل کی فتح یا شکست کا براہ راست اثر مغربی کنارے اور مقبوضہ بیت المقدس کے حالات پر پڑے گا۔

الجزیرہ چینل کی رپورٹ کے مطابق صیہونی ٹی وی چینل 14 نے صیہونی وزیر جنگ یواف گیلنٹ کے حوالے سے کہا کہ جب غزہ کی پٹی کی صورتحال واضح ہو جائے گی تو مغربی کنارے خاص طور پر اس علاقے کے شمال میں صورتحال بھی واضح ہو جائے گی۔

یہ بھی پڑھیں: مغربی کنارے میں حماس کی سماجی مقبولیت؛امریکی اخبار کی زبانی

صیہونی فوج کے مرکزی علاقے کے ہیڈ کوارٹر میں تقریر کرتے ہوئے گیلنٹ نے اس علاقے کے کمانڈروں سے کہا کہ وہ غزہ کی پٹی میں جاری جنگ میں مغربی کنارے کی سکیورٹی برقرار رکھنے کے لیے اپنی تمام تر کوششیں بروئے کار لائیں۔

صیہونی وزیر جنگ نے اعتراف کیا کہ اسرائیلی فوج فلسطینیوں کی جدوجہد کا مقابلہ کرنے کے لیے چوبیس گھنٹے کام کر رہی ہے اور وہ فلسطینی پناہ گزینوں کے کیمپوں میں مسلسل جنگ جاری رکھے ہوئے ہے۔

مزید پڑھیں: مغربی کنارے سے صیہونیوں کو کیا ملنے والا ہے؟

صیہونی وزیر جنگ نے اس کے بعد اس خطے کے کمانڈروں کو حکم دیا کہ وہ اس خطے کے امن کو برقرار رکھنے کے لیے ہر ممکن کوشش کریں تاکہ اسرائیلی فوج غزہ کی پٹی میں جنگ کے لیے جا سکے کیونکہ اصل ہدف حماس اور اس کی فوجی صلاحیت کو تباہ کرنا ہے۔

انہوں نے کہا کہ اگر ہم حماس کو تباہ کرنے میں کامیاب ہو جاتے ہیں تو تو اس کا اثر مغربی کنارے اور دیگر تمام خطوں پر پڑے گا۔