سچ خبریں: صہیونی معاشرے میں ہونے والے ایک نئے سروے کے نتائج بتاتے ہیں کہ 64 فیصد اسرائیلی غزہ جنگ کے دوران نیتن یاہو کی کارکردگی سے غیر مطمئن ہیں۔
حال ہی میں مقبوضہ علاقوں میں کئے گئے ایک سروے کے مطابق 64 فیصد اسرائیلیوں نے غزہ کے خلاف جنگ میں نیتن یاہو کی کارکردگی پر عدم اطمینان کا اظہار کیا۔
یہ بھی پڑھیں: نیتن یاہو نے جنگی کابینہ کا اجلاس منسوخ کیوں کیا ؟
اس سروے میں صرف 25 فیصد شرکاء نے نیتن یاہو کو وزارت عظمیٰ کے لیے موزوں شخص قرار دیا۔
اس سروے کے ایک اور حصے میں کہا گیا ہے کہ اگر دوبارہ انتخابات ہوتے ہیں تو بینی گانٹز کی قیادت میں حکومتی کیمپ پارٹی 33 اور نیتن یاہو کی قیادت میں لیکوڈ پارٹی 20 نشستیں جیتے گی
دریں اثنا، گانٹز کی پارٹی نے گزشتہ انتخابات میں 12 اور لیکوڈ نے 33 نشستیں حاصل کیں۔
مزید پڑھیں: صیہونی کابینہ کیسی ہے؟ سابق صیہونی عہدیدار کی زبانی
اس سروے کے نتائج کے مطابق 55 فیصد اسرائیلیوں نے اسرائیلی مسلح افواج کے سربراہ ہرٹزی ہالوی کی طرف سے گزشتہ 7 اکتوبر کے واقعات کی تحقیقات کے لیے ایک کمیٹی تشکیل دینے کے فیصلے کی حمایت کی جس کی صیہونی کابینہ کے اندر بھی شدید مخالفت کی گئی اور کمیٹی بننے سے پہلے ہی ختم ہو گئی۔