صیہونیوں کی خالی بندوق سے دھمکیاں:رائے الیوم

🗓️ 30 جولائی 2022

سچ خبریں:قطری اخبار رائے الیوم نے صیہونیوں کی زبانی اپنے بگڑتے ہوئے حالات کے بارے میں ایک نوٹ شائع کرتے ہوئے ہوئے لکھا کہ یہ حکومت 2006 سے اپنی قوت مدافعت کھو چکی ہے ،اب خالی پستول سے دھمکیاں دے رہی ہے۔
قطری اخبار راے الیوم نے ایک رپورٹ شائع کی ہے جس میں لکھا ہے کہ غزہ کی پٹی میں فلسطینی مزاحمتی تحریک کے خلاف صیہونی حکومت کی قوت مدافعت ختم ہو گئی ہے نیز قابضین اور مزاحمتی گروہوں کے درمیان غزہ کی پٹی میں سرگرم تحریکوں کے حق میں بیداری کی جنگ چھڑ گئی ہے، خاص طور پر تحریک حماس کے ہاتھوں قابض حکومت کو ایک مہلک دھچکا لگا ہے۔

اس کے علاوہ اسرائیل نے غزہ پر دوبارہ قبضے کے لیے زمینی فوجی آپریشن کرنے میں اپنی نااہلی کا اعتراف کیا کہ اسرائیلی معاشرہ اس قسم کے کسی مہم جوئی کی صورت میں قابض فوج کو ہونے والے جانی نقصان کو برداشت نہیں کر سکتا، اخبار کے مطابق اس کے علاوہ، صہیونیوں کی طرف سے حال ہی میں ایسے مضامین اور تجزیے شائع کیے گئے ہیں جو کھلے عام یہودی ریاست کے خاتمے یا عنقریت اس کی تباہی کے بارے میں بتاتے ہیں نیز عبرانی میڈیا کے متعدد ماہرین اور تجزیہ کاروں نے بھی اس طرح کے خطرات سے خبردار کرنا شروع کر دیا ہے۔

ان تجزیہ نگاروں کے مطابق اسرائیل حالیہ عرصے میں جس سیاسی افراتفری کا شکار ہے اس سے خانہ جنگی بھی ہو سکتی ہے کیونکہ سابق وزیر اعظم، جیسا کہ روجیل آلفر نے زور دیا تھا، سیاسی میدان کو چھوڑنے کے لیے تیار نہیں ہیں، اور اس سے زیادہ خطرناک بات یہ ہے کہ حالیہ سروے ظاہر کرتے ہیں کہ ان کے وزیر اعظم کے طور پر واپس آنے کے امکانات زیادہ ہیں، آلفر کے مطابق، اسرائیل میں یہودیوں کی بالادستی پر مبنی پہلی آمریت قائم کی جا سکے۔