صہیونیوں کا فلسطینیوں کے خلاف بین الاقوامی سطح پر ممنوعہ ہتھیار وں کا استعمال

?️ 8 اگست 2021

سچ خبریں:مغربی پٹی کے شمال میں صہیونی حکومت کی نسل پرستانہ دیواروں اور آبادکاری کا مقابلہ کرنے والی کمیٹی کے ڈائریکٹر نے اس بات پر زور دیا کہ صہیونی فوج نے مغربی کنارے میں پرامن فلسطینی مظاہروں کو دبانے کے لیے ضرورت سے زیادہ طاقت اور بین الاقوامی طور پر ممنوعہ ہتھیاروں کا استعمال کیا ہے۔

مرکز اطلاعات فلسطین کی رپورٹ کے مطابق مغربی پٹی کے شمال میں صہیونی حکومت کی نسل پرستانہ دیواروں اور آبادکاری کا مقابلہ کرنے والی کمیٹی کے ڈائریکٹر مراد شتیوی نےاتوار کے روزکہا کہ صہیونی حکومت مغربی کنارے میں عوامی مزاحمت کو دبانے کی کوشش کر رہی ہے اور اس کے لیے وہ ہر ذریعہ اور ہتھیار استعمال کر رہی ہے۔

شتیوی نے کہا کہ اسرائیلی فورسز نے فلسطینیوں کو دبانے کے لیے کفر قدوم ، بیتا، نابلس میں بیت دجن اور الخلیل میں بیت امر کے علاقوں میں بین الاقوامی سطح پر ممنوعہ ہتھیاروں کا استعمال کیا ہے۔

انہوں نے کہا کہ صہیونی قابض فلسطینیوں کو بغیر کسی خوف وخطر کے قریب سے نشانہ بنا رہے ہیں اس لیے کہ انھیں معلوم ہے کہ بے گناہ فلسطینیوں کو جس طرح ہوسکے دبائیں کوئی پوچھنے والا نہیں کیونکہ عربوں کو انھوں نے خرید لیا جبکہ اقوام متحدہ سمیت پوری عالمی برادری پہلے سے ہی صیہونیوں کی حمایت کررہی ہے۔