شنگھائی تعاون تنظیم سے چین کا اہم مطالبہ

شنگھائی

?️

سچ خبریں: چین کے صدر نے شنگھائی تعاون تنظیم کے اجلاس سے اپنے خطاب میں اس تنظیم کے رکن ممالک سے مطالبہ کیا کہ وہ مغربی ممالک کے رنگین انقلابات کا مقابلہ کریں۔

چین کے صدر شی جن پنگ نے شنگھائی تعاون تنظیم کے ورچوئل اجلاس میں ممالک سے مغربی ممالک کے رنگین انقلاب کے خلاف اٹھ کھڑے ہونے کی اپیل کی۔

یاد رہے کہ شنگھائی تعاون تنظیم ایک سیاسی، اقتصادی اور سکیورٹی تنظیم ہے جس میں چین، روس، بھارت، قزاقستان، قرقیزستان، پاکستان، تاجکستان اور ازبکستان شامل ہیں۔

یہ بھی پڑھیں: عرب ممالک کا شنگھائی تنظیم میں شمولیت کا رجحان

واضح رہے کہ یہ تنظیم آبادی اور جغرافیائی رقبے کے لحاظ سے دنیا کی سب سے بڑی علاقائی تنظیم ہے جس میں ایران بھی شامل ہو گیا ہے۔

چینی صدر نے کہا کہ بنیادی طور پر کسی بھی بہانے سے بیرونی مداخلت اور رنگین انقلاب برپا کرنے کی کسی بھی کوشش کی مخالفت ضروری ہے۔

یاد رہے کہ چین کے صدر اس سے قبل بھی کئی بار مغربی انقلابات کی مذمت میں بول چکے ہیں،گزشتہ سال کے آخر میں بھی انہوں نے کہا تھا کہ چین انسانی حقوق کی آڑ میں لوگوں کے امن کو خراب کرنے کی کسی بھی کوشش کے خلاف ہے۔

قابل ذکر ہے کہ رنگین انقلاب کی اصطلاح سب سے پہلے سوویت یونین سے الگ ہونے والے ممالک میں بغاوت کو بیان کرنے کے لیے استعمال کی گئی تھی لیکن آج یہ اصطلاح دیگر ممالک کی حکومتوں کا تختہ الٹنے کی امریکی اور اس کے اتحادیوں کی کوششوں کے لیے استعمال ہوتی ہے۔

یاد رہے کہ دنیا میں زیادہ تر رنگین انقلابات نام نہاد امریکی انسانی حقوق کی تنظیموں کے تعاون سے کیے گئے ہیں جو اس ملک کی انٹیلی جنس ایجنسیوں کی نگرانی میں کام کرتی ہیں۔

مزید پڑھیں: شنگھائی تعاون تنظیم کے سربراہی اجلاس میں پاکستان اور بھارت کے ایک دوسرے پر لفظی وار

شی جن پنگ نے اپنی تقریر کے دوران اقوام متحدہ کی اجازت کے بغیر دوسرے ممالک کے خلاف یکطرفہ پابندیاں عائد کرنے پر بھی تنقید کی اور شنگھائی تعاون تنظیم کے رکن ممالک سے کہا کہ وہ اپنی قومی کرنسیوں کے ساتھ تجارت میں اضافہ کریں۔

انہوں نے مزید کہا کہ چین، ایران، روس اور بعض دوسرے ممالک کے ساتھ، امریکہ کی یکطرفہ پابندیوں کے سخت خلاف ہے اوربیجنگ ان پابندیوں کو دوسرے ممالک میں کھلے عالم مداخلت تصور کرتا ہے۔

مشہور خبریں۔

سعودی جنگجوؤں کی یمن صنعا پر بمباری

?️ 17 مارچ 2022سچ خبریں:  یمن کے بے گناہ عوام کے خلاف سعودی جارح اتحاد

غزہ کی جنگ انسانی معاشرے کے لیے ایک حقیقی امتحان

?️ 12 جولائی 2024سچ خبریں: یمن کی تحریک انصار اللہ کے سکریٹری جنرل نے خطے

بحران میں ڈوبی ہوئی موساد

?️ 24 مارچ 2022سچ خبریں:صیہونی حکومت اور اس کی خصوصی انٹیلی جنس نیز آپریشنز تنظیم

پی ٹی اے کا ملک بھر میں انٹرنیٹ کو مکمل طور پر بحال کرنے کا دعویٰ

?️ 31 اکتوبر 2024اسلام آباد: (سچ خبریں) پاکستان ٹیلی کمیونیکیشن اتھارٹی(پی ٹی اے) کے ترجمان

کتنے صیہونی غزہ جنگ میں اسرائیل کو کامیاب مانتے ہیں؟

?️ 1 فروری 2025سچ خبریں:تازہ ترین سروے کے نتائج کے مطابق، اسرائیلی عوام کی اکثریت

لیبیا میں پاکستانیوں سمیت 65 تارکین وطن کو لے جانے والی ایک اور کشتی حادثے کا شکار

?️ 10 فروری 2025اسلام آباد: (سچ خبریں) دفتر خارجہ نے انکشاف کیا ہے کہ لیبیا

موساد کے افسرخودکشی کیوں کرتے ہیں؟

?️ 26 دسمبر 2021سچ خبریں: سچ خبریں: اسرائیل کے ٹی وی چینل 12 نے اس

صیہونی وزیراعظم کے دفتر کے سربراہ مستعفی

?️ 26 مئی 2022سچ خبریں:صہیونی میڈیا نے صیہونی وزیراعظم کے دفتر کے سربراہ تلگن زوئی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے