شام میں دہشتگردوں کی نقل وحرکت پر روس کا انتباہ

?️ 24 اپریل 2021

سچ خبریں:روس کی وزارت دفاع کا کہنا ہے کہ النصرہ فرنٹ کے دہشت گرد ادلب کے غیر متنازعہ علاقہ میں کیمیائی ہتھیاروں کے استعمال کا منصوبہ بنا رہے ہیں۔
شام کی سرکاری خبر رساں ایجنسی (سانا) کی رپورٹ کے مطابق روس کی وزارت دفاع نے آج (ہفتے کے روز) اعلان کیا ہے کہ النصرہ فرنٹ کے دہشت گرد ادلب کے ر امن علاقہ میں کیمیائی ہتھیاروں کے استعمال کا منصوبہ بنا رہے ہیں،روسی وزارت نے بتایا کہ ادلب کے غیر منتازعہ علاقہ میں دہشت گرد گروہ کیمیائی ہتھیاروں کے استعمال اور شامی فوج پر الزام لگانے کے لئے نئے حملوں کی منصوبہ بندی کر رہے ہیں۔

شام کے علاقے ہمییمیم میں روسی رابطہ سینٹر کے نائب سربراہ ، الیکژنڈر کارپوف نے کہا کہ رپورٹ کے مطابق النصرہ فرنٹ کے دہشت گردوں کے ذریعہ ادلب کے مضافات ،جسر الشغور اور داما کے علاقوں میں زہریلے مادے لے جانے کے بارے میں اطلاعات موصول ہوئی ہیں ،روس کا کہنا ہے کہ یہ کارروائی حمیدیم میں سفید ٹوپی والوں کی دہشت گردی کی سرگرمیوں میں اضافے کے مساوی ہے،روسی فوجی عہدیدار نے زور دے کر کہا کہ دہشت گرد شام کو بدنام کرنے کے لئے اپنے جعلی متاثرین کی معلومات کو استعمال کرنے کی منصوبہ بندی کر رہے ہیں اور اسی طرح کے منظرناموں کو دہرا رہے ہیں جو سفید ٹوپی والے دہشتگردوں کی نگرانی میں ہوئے تھے۔

کارپوف نے مزید کہا کہ مبینہ کیمیائی حملوں کے لئے دہشت گردوں کی تیاری کی خبریں او پی سی ڈبلیو کے تنظیم میں شام کے حقوق پر پابندی لگانے کے غیر منصفانہ فیصلے ، خاص طور پر انہیں ووٹ کے حق سے محروم کرنے کے غلط استعمال کے تناظر میں سامنےآئی ہیں،روس کی وزارت دفاع نے متعدد بار ادلب میں دہشت گرد گروہوں کو زہریلے مواد کی فراہمی کے لئے یورپین تربیت یافتہ ماہرین کی مدد سے چلائی جانے والی لیارٹریوں کی موجودگی کی تصدیق کی ہے جو عام شہریوں کے خلاف کیمیائی حملے کرنے اور شام کی حکومت پر الزامات عائد کرنے کے لئے سفید ٹوپی کے دہشت گردوں کے ساتھ مل کر کام کرتی ہیں۔