سلامتی کونسل میں امریکی قرارداد کے ویٹو ہونے پر حماس کا ردعمل

حماس

?️

سچ خبریں: حماس نے ایک بیان میں اعلان کیا کہ سلامتی کونسل میں امریکی قرارداد صہیونی دشمن کے اہداف کے عین مطابق ہے۔

الجزیرہ نیوز چینل کی رپورٹ کے مطابق اسلامی مزاحمتی تحریک حماس نے تاکید کی ہے کہ سلامتی کونسل میں امریکہ کی قرارداد کا مسودہ جسے ویٹو کر دیا گیا، گمراہ کن تفصیلات پر مشتمل اور صیہونی حکومت کے اہداف سے ہم آہنگ ہے۔

یہ بھی پڑھیں: دوسروں کو بے وقوف بنا کر اپنی بگڑی ہوئی ساکھ کو بحال کرنے کے لیے ناکام امریکی کوشش

حماس کا کہنا ہے کہ امریکہ نے غزہ کے خلاف اپنی جارحیت کو جاری رکھنا ممکن بنایا اور غزہ کی پٹی میں فلسطینی عوام کے خلاف اس حکومت کی نسل کشی پر پردہ ڈالا اور غزہ میں جنگ کے فوری خاتمے پر زور نہیں دیا۔

اس تحریک نے اس بات پر زور دیا کہ ہم روس، چین اور الجزائر کے موقف کا خیر مقدم کرتے ہیں جنہوں نے صیہونی غاصب حکومت کے جرائم کی وجہ سے اس قرارداد کی مخالفت کی اس لیے کہ یہ غزہ کے عوام کی نسل کشی کو روکنے کے انسانی اور فوری مطالبے کے خلاف ہے۔

حماس نے کہا کہ ہمہ جہت فوجی مدد کے تحت 5 ماہ سے زیادہ کا عرصہ گزر چکا ہے اور بائیڈن انتظامیہ کی سیاست دسیوں ہزار فلسطینی خواتین، بچوں اور شہریوں کے قتل پر آنکھیں بند کیے ہوئے ہے۔

یاد رہے کہ مصر، سعودی عرب، اردن، قطر، متحدہ عرب امارات اور فلسطین کے ممالک نے مصر کے دارالحکومت قاہرہ میں اپنے حالیہ مشترکہ اجلاس کے اختتام پر غزہ کی پٹی میں فوری اور جامع جنگ بندی کی ضرورت پر زور دیا ۔

ان 6 عرب ممالک کے مشترکہ بیان میں، جسے مصر کی وزارت خارجہ نے X سوشل نیٹ ورک پر اپنے سرکاری اکاؤنٹ پر شائع کیا، کہا گیا ،عرب جمہوریہ مصر ، سعودی عرب ،اردن، قطر، متحدہ عرب امارات کے وزرائے خارجہ اور فلسطین لبریشن فرنٹ کے سکریٹری جنرل کی میزبانی کی، اس دوران مسئلہ فلسطین کی صورتحال اور اس پٹی میں جاری جنگ کے تباہ کن نتائج کے حوالے سے شرکاء کے نقطہ نظر پر تبادلہ خیال کیا گیا۔

اس بیان میں کہا گیا ہے کہ اس اجلاس کے شرکاء نے غزہ کی پٹی میں فوری اور جامع جنگ بندی کو عملی جامہ پہنانے اور اس علاقے میں انسانی امداد کی آمد میں اضافے کی ترجیح پر زور دیا۔

اس کے علاوہ، شرکاء نے فلسطینیوں کو ان کی سرزمین سے بے دخل کرنے کی کسی بھی کوشش کے بارے میں اپنی مخالفت کا اظہار کیا۔

انہوں نے اس بات پر زور دیا ہے کہ اسرائیل کو اپنے تمام یکطرفہ اقدامات کو روکنا ہو گا جس سے منصفانہ امن کے حصول کے امکانات ختم ہوتے ہیں۔

مزید پڑھیں: سلامتی کونسل غزہ میں فلسطینیوں کا قتل عام روکنے میں ناکام کیوں؟

یادر ہے کہ 7 اکتوبر سے غزہ میں شروع ہونے والی جنگ کے شہداء کی کل تعداد 32070 اور زخمیوں کی تعداد 74298 ہو گئی ہے،شہداء میں 73 فیصد خواتین اور بچے ہیں۔

مشہور خبریں۔

آزاد کشمیر: پاکستان تحریک انصاف ’فلور کراسنگ‘ قانون کو چیلنج کرے گی

?️ 8 مئی 2023اسلام آباد:(سچ خبریں) آزاد کشمیر میں پاکستان تحریک انصاف (پی ٹی آئی)

امریکہ ایران کے خلاف اپنی غلطیوں کو درست کرے: چین

?️ 1 جولائی 2022سچ خبریں:چین کی وزارت خارجہ کا کہنا ہے کہ ایران کے جوہری

مایکروسافت کی غزہ جنگ میں صہیونی فوج کی حمایت؛ برطانوی اخبار کا انکشاف

?️ 25 جنوری 2025سچ خبریں:برطانوی اخبار نے انکشاف کیا ہے کہ مائیکروسافٹ نے غزہ جنگ

یورپی یونین کی جانب غزہ پر آرٹیکل 99 کی حمایت

?️ 7 دسمبر 2023سچ خبریں:جوزپ بریل نے یورپی اراکین سے کہا کہ وہ تنظیم کے

بغداد ایئرپورٹ کے قریب امریکی فوجی اڈے پر راکٹ حملہ

?️ 29 جنوری 2021سچ خبریں:بغداد ایئر پورٹ کے قریب امریکی فوجی اڈے پر راکٹ حملہ

این سی او سی نے  رمضان المبارک سے قبل اہم فیصلے کرنے کا عندیہ دے دیا

?️ 10 اپریل 2021اسلام آباد(سچ خبریں) این سی او سی نے رمضان المبارک کے دوران

سویڈن ؟ سویڈن ؟ سویڈن ؟

?️ 24 جولائی 2023سچ خبریں:اسلامی تعاون تنظیم نے اتوار کو اس تنظیم میں سویڈن کے

کورونا وائرس سے  مزید 83 افراد انتقال کر گئے

?️ 8 ستمبر 2021اسلام آباد (سچ خبریں) کورونا وائرس کی چوتھی لہر کے وار کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے