سچ خبریں:سابق امریکی صدر نے ایک انٹرویو میں کہا کہ روس آخرکار پورے یوکرین پر قبضہ کر لے گا۔
سابق امریکی صدر ڈونلڈ ٹرمپ نے فاکس نیوز کو انٹرویو دیتے ہوئے کہا کہ روس آخرکار پورے یوکرین پر قبضہ کر لے گا۔ اس انٹرویو کے ایک حصے میں سابق امریکی صدر نے دعویٰ کیا کہ اگر وہ اقتدار میں ہوتے تو روس یوکرین میں اپنی خصوصی فوجی کاروائیاں شروع نہ کرتا۔
انہوں نے کہا کہ اگر میں امریکہ کا صدر ہوتا تو پیوٹن کے لیے حالات بہت بہتر ہوتے کیونکہ روسی افواج یوکرین میں داخل نہ ہوتیں،ڈونلڈ ٹرمپ نے مزید کہا کہ ان کے روسی صدر کا ساتھ تعلقات اچھے ہیں۔
یوکرین میں جنگ 24 گھنٹے کے اندر ختم کرنے کی صلاحیت کے بارے میں اپنے دعوے کو دہراتے ہوئے ٹرمپ نے ایٹمی جنگ کے امکان کے خلاف خبردار کیا،انہوں نے اس سلسلے میں کہا کہ جوہری جنگ کو روکنے کی کنجی اسی جنگ کو روکنا ہے کیونکہ یوکرین کو زمین بوس کر دیا گیا ہے۔
قابل ذکر ہے کہ روس کے یوکرین پر حملے کے بعد سے امریکہ سمیت تمام مغربی ممالک نے یوکرین کے لیے اسلحہ کے اپنے گوداموں کے منھ کھول دیے ہیں اور دوسری طرف روس کے خلاف تاریخ کی سخت ترین پابندیاں عائد کی ہیں لیکن اس کے باوجود وہ اس جنگ کو مہار کرنے میں ناکام رہے ہیں۔
