حماس اور حزب اللہ کے بعد امریکا نے عراقی مزاحمتی گروپوں کو غیر مسلح کرنے کا مطالبہ کیا

حماس اور حزب اللہ کے بعد امریکا نے عراقی مزاحمتی گروپوں کو غیر مسلح کرنے کا مطالبہ کیا

رپورٹ کے مطابق، امریکی وزارت خارجہ کے نائب ترجمان تامی پیگوت نے بتایا کہ امریکی وزیر خارجہ مارکو روبیو نے عراق کے وزیر اعظم محمد شیاع السودانی سے ملاقات میں عراق میں موجود مزاحمتی گروپوں کی خلع سلاح پر زور دیا۔ روبیو نے دعویٰ کیا کہ یہ گروہ واشنگٹن اور بغداد کے مفادات کے لیے خطرہ ہیں اور ایران کے اثر و رسوخ کو بڑھا رہے ہیں۔

پیگوت نے کہا کہ روبیو نے عراق-ترکی تیل کی لائن کے دوبارہ کھلنے پر وزیر اعظم کو مبارکباد دی اور زور دیا کہ عراق کے اندر ایران کے حمایتی نیم فوجی گروپ عراق کی خود مختاری کو نقصان پہنچا رہے ہیں، امریکی اور عراقی شہریوں کی جان اور ملک کے وسائل کے لیے خطرہ ہیں۔

امریکہ نے پیشگی بیان میں اپنی خواہش ظاہر کی کہ وہ عراق کے شراکت داروں کے ساتھ مل کر علاقے میں استحکام، اقتصادی تعلقات اور عراق کی خود مختاری کو فروغ دے۔

یہ موقف اس پس منظر میں سامنے آیا ہے کہ عراق کے مشیرِ قومی سلامتی نے تہران کا دورہ کیا اور ایران کے اعلیٰ حکام سے ملاقاتیں کیں، جبکہ واشنگٹن مسلسل حماس اور حزب اللہ کی خلع سلاح پر زور دے رہا ہے۔