مسجد اقصیٰ کے خلاف صیہونیوں کی مسلسل جارحیت قابل قبول نہیں:قطر

?️ 10 اپریل 2023

سچ خبریں:قطر کے وزیر خارجہ محمد بن عبدالرحمن آل ثانی نے اتوار کی شام ایک ٹویٹ میں فلسطینی نمازیوں کے خلاف صیہونیوں کے لگاتار تشدد کی مذمت کرتے ہوئے مسجد الاقصی پر قابض فوج کے حملے کو ناقابل قبول قرار دیا۔

قطر کے وزیر خارجہ کی ٹوئٹ میں کہا گیا ہے کہ اسرائیلیوں کا مسلسل تشدد اور فلسطینیوں کو اعتکاف سے روک کر مسجد اقصیٰ کی تاریخی اور قانونی یادگار کو تبدیل کرنے کی کوشش اور ان کی زد و کوب نیز مسجد اقصیٰ میں وقت اور جگہ کی تقسیم کے مقصد سے روزانہ کی بنیاد پر حملے کرنا بھی ناقابل قبول ہے۔

انہوں نے مزید تاکید کی کہ عالمی برادری کو فلسطینی عوام کے حقوق کے تحفظ کے لیے اپنی ذمہ داری قبول کرنی چاہیے،واضح رہے کہ صہیونیوں نے مسجد الاقصی کی بے حرمتی اور فلسطینی نمازیوں پر حملوں کی ایک نئی لہر شروع کر رکھی ہے۔

یاد رہے کہ گزشتہ بدھ کی صبح صیہونیوں نے مسجد اقصیٰ کے صحن میں موجود نمازیوں پر حملہ کیا اور انہیں مسجد اقصیٰ کے قرب و جوار سے باہر نکالنے کی کوشش کی،اس تنازعے کے نتیجے میں 200 سے زائد فلسطینی نمازی زخمی اور 400 کو گرفتار کر لیا گیا۔

قابل ذکر ہے کہ گذشتہ بدھ کے بعد سے مسجد اقصی صہیونی مسلح افواج اور مسجد میں اعتکاف کرنے والے فلسطینیوں کے درمیان تنازعات اور کشیدگی کا مرکز بنی ہوئی ہے، تاہم صیہونی حکومت کے ان حملوں اور جرائم کے جواب میں فلسطینی مزاحمتی گروہوں نے غزہ کی پٹی اور مقبوضہ علاقے کے شمال میں واقع صہیونی بستیوں کو متعدد بار راکٹوں سے نشانہ بنایا ہے۔