جاپان کی ترکی کے زلزلے میں سب سے زیادہ طبی امداد

🗓️ 7 مارچ 2023

سچ خبریں:ترکی میں 6 فروری کو آنے والے زلزلے کے بعد سے جاپان اس ملک کو طبی امداد بھیجنے والے سب سے آگے رہا ہے۔

جاپان کی وزارت خارجہ کے مطابق ترکی کے جنوب میں آنے والے شدید زلزلوں کے بعد ٹوکیو نے صوبہ غازی عینتاب کے علاقے اوگوزلی میں اپنی تاریخ کا سب سے بڑا بیرون ملک طبی مشن انجام دیا ہے،اس رپورٹ کے مطابق زلزلے کے بعد جاپانی طبی ٹیمیں اور اس ملک کی امدادی ٹیمیں فوری طور پر ہنگامی خدمات فراہم کرنے کے لیے ترکی کے زلزلہ زدہ علاقے میں پہنچ گئیں۔

جاپان کی وزارت خارجہ کے مطابق اس ملک نے اپنی تیسری طبی ٹیم ہفتہ کو کو ترکی کے جنوبی علاقوں میں بھیجی،فی الحال، جاپانی امدادی گروپ ترکی میں زلزلے سے متاثرہ علاقوں میں کلینک میں مقامی ڈاکٹروں کے ساتھ تعاون کر رہے ہیں۔

یاد رہے کہ ٹوکیو نے اب تک اپنے سیلف ڈیفنس یونٹوں کے ارکان کو قدرتی آفات کے حوالے سے امداد فراہم کرنے کے لیے ترکی بھیجا ہےاور زلزلہ زدگان کے لیے ہنگامی امدادی اشیاء جیسے خیمے، کمبل اور بستر بھی بھیجے ہیں، یاد رہے کہ جاپانی حکومت نے زلزلہ متاثرین کی مدد کے لیے ترکی کو 8.5 ملین ڈالر کی مالی امداد بھی فراہم کی ہے۔

ورلڈ بینک کے ڈائریکٹر کے مطابق ترکی میں آنے والے حالیہ زلزلے سے اس ملک کے 11 صوبوں کے 10 لاکھ 250 ہزار سے زائد باشندے بے گھر یا ان کی رہائش گاہوں کو نقصان پہنچا ہے۔

اگرچہ صدی کی آفت کہلانے والے اس زلزلے کے صحیح نقصان کا تعین نہیں کیا جاسکا، لیکن بعض اقتصادی اداروں نے اس زلزلے سے ہونے والے نقصانات کے اپنے تخمینے کا اعلان کرتے ہوئے کہا ہے کہ ترکی کی معیشت اس واقعے سے ہونے والے نقصان سے مشکل سے ہی نکل سکے گی۔