برطانوی بادشاہ سے دگنی دولت کے مالک برطانوی وزیر اعظم

🗓️ 1 نومبر 2022

سچ خبریں:حال ہی میں برطانوی وزیر اعظم کے عہدے پر فائز ہونے والے رشی سوناک کے پاس انگلینڈ کے بادشاہ سے دگنی دولت ہے جب کہ برطانوی عوام کو شدید معاشی بحران کا سامنا ہے۔

رشی سونک جو ابھی انگلینڈ کے وزیر اعظم کے عہدے پر تعینات ہوئے ہیں، نے ڈاؤننگ اسٹریٹ کے مکان 10 میں کئی نئے ریکارڈز کے ساتھ قدم رکھا ہے، وہ انگلینڈ میں پہلے غیر سفید فام وزیر اعظم ہیں، سوناک42 سال کی عمر میں اس عہدے تک پہنچنے والے 1812 کے بعد انگلینڈ کے سب سے کم عمر والے وزیر اعظم بھی ہیں۔

واضح رہے کہ وہ برطانوی تاریخ کے امیر ترین وزیر اعظم ہیں ، ان کی دولت 730 ملین پاؤنڈ ہے،یہ اعداد و شمار انگلینڈ کے بادشاہ کنگ چارلس III کی دولت سے دوگنا ہے، یہ پہلا موقع ہے کہ ڈاؤننگ اسٹریٹ کے مکان نمبر 10 میں ایک ایسا شخص آیا ہےجو بکنگھم پیلس کے رہائشیوں سے زیادہ امیر ہے۔

یاد رہے کہ سوناک پہلے گولڈمین ساکس میں تجزیہ کار کے طور پر کام کرتے تھے ، اس کے بعد اور سیاست میں آنے سے آٹھ سال پہلے ہیج فنڈ کے سربراہ بنے، 2014 میں، عام انتخابات سے ایک سال پہلے وہ رچمنڈ کی یارکشائر سیٹ پر کنزرویٹو پارٹی کے امیدوار کے طور پر منتخب ہوئے جو اس سے قبل کنزرویٹو پارٹی کے سابق رہنما ولیم ہیگ کے پاس تھی۔

ہاؤس آف کامنز میں ان کے داخلے کے فوراً بعد، ان کی پیشہ ورانہ زندگی کی پہلی بڑی سیاسی جدوجہد کا آغاز بریگزٹ کے دوران ہوا،سوناک نے یورپی یونین چھوڑنے کی حمایت کرتے ہوئے کہا کہ برطانیہ اس بلاک سے باہر آزاد اور زیادہ خوشحال رہےگا۔

قابل ذکر ہے برطانیہ کا یہ امیر ترین وزیر اعظیم ایسے وقت میں اس عہدہ پر فائز ہوا ہے جبکہ اس ملک کے لاکھوں شہری روزہ مرہ کی زندگی کے بڑھتے ہوئے اخراجات کے بحران کا سامنا کر رہے ہیں، برطانوی چنیل این بی ایس کی ویب سائٹ سے اس سلسلہ میں لکھا ہے کہ سوناک کی اس طرح کی پرتعیش زندگی عام برطانویوں کے تجربات کو سمجھنے کی ان کی صلاحیت پر سوالیہ نشان لگاتی ہے۔