افریقہ میں داعشی حملوں کا ماسٹر مائنڈ ہلاک

🗓️ 20 اگست 2022

سچ خبریں:نیوز ذرائع نے اطلاع دی ہے کہ نائجیریا کی فوج کے اس ملک میں داعش کے ٹھکانوں پر فضائی حملے میں امینو دانی جو افریقہ میں داعش کا ماسٹر مائنڈ کہلاتا تھا، مارا گیا۔
اسکائی نیوز کی رپورٹ کے مطابق، نائیجیریا کی فوج نے اعلان کیا کہ امینو دانی جو مغربی افریقہ میں داعش کے اہم رہنماؤں میں سے ایک تھا،اس دہشتگرد تنظیم کے اجلاس کے موقع پر نائیجیریا کے فضائی حملے میں مارا گیا، نائجیریا کی فوج نے مزید کہا کہ ملک کی فضائیہ کے دو طیاروں نے اس ملک کے مرکز میں واقع قصبے کوریب میں امینو دانی کی میزبانی میں ہونے والے اجلاس کو نشانہ بنایا۔

نائیجیرین فوج کا مزید کہنا تھا کہ ہلاک ہونے والا شخص کیمرون، نائجیریا اور چاڈ میں داعش کے حملوں کا ماسٹر مائنڈ تھا، واضح رہے کہ القاعدہ اور داعش جیسے دہشت گرد گروہ اب تک نائجیریا، مالی اور برکینا فاسو میں بہت سے حملے کر چکے ہیں اور اس ملک کے ساتھ ساتھ نائجیریا کے علاقوں کو بھی کنٹرول کرنے میں کامیاب ہو چکے ہیں۔

جبکہ ساحل کے علاقے میں تشدد کے نتیجے میں اب تک ہزاروں افراد ہلاک اور 20 لاکھ سے زیادہ لوگ اپنے گھر بار چھوڑنے پر مجبور ہو چکے ہیں، یاد رہے کہ ایسا اس وقت ہوا ہے جبکہ اس علاقے میں غیر ملکی افواج اور اقوام متحدہ کے امن دستے موجود ہیں۔