جنوبی غزہ میں صیہونی جنگی کشتیوں کی فلسطینیوں پر فائرنگ

?️ 20 اگست 2022

سچ خبریں:بیت المقدس کی قابض حکومت کی کئی جنگی کشتیوں نے جمعرات کی شام غزہ کی پٹی کے جنوب میں متعدد فلسطینی موٹر بوٹس پر فائرنگ کی۔
فلسطینی ماہی گیروں کی یونین نے ایک پریس ریلیز میں اعلان کیا ہے کہ اسرائیلی فوج کی جنگی کشتیوں نے خان یونس اور رفح صوبوں کے سمندر میں فلسطینی موٹر بوٹس کو نشانہ بنایا اور ان پر شدید گولہ باری کر کے فلسطینی ماہی گیروں کو یہ علاقہ چھوڑنے پر مجبور کر دیا۔

قابل ذکر ہے کہ صہیونی افواج مسلسل سمندر میں فلسطینی ماہی گیروں کو نشانہ بنا رہی ہیں اور ان کی سرگرمیوں کو روک رہی ہیں اس لیے کہ انہیں اچھی طرح معلوم ہے کہ وہ میدن جنگ میں فلسطینی مزاحمتی تحریک کا مقابلہ کرنے سے قاصر ہیں جنہیں وہ متعدد بار آزما چکے ہیں لہذا وہ بزدلی کا مظاہرہ کرتے ہوئے نہتے ماہی گیروں کو نشانہ بناتے ہیں۔

واضح رہے کہ حال ہی میں صیہونی فوج کے جنرل یتزاک برک نے اس حکومت کے رہنماؤں کی سیاسی اور عسکری میدان میں اختیار کی گئی پالیسی کے منفی نتائج کے خلاف خبردار کرتے ہوئے کہا کہ غزہ میں حماس اور جہاد اسلامی کے ساتھ مختلف تنازعات اسرائیل کی پسپائی کا باعث بنے ہیں اور زمینی مشقیں کرنے یا متعدد محاذوں پر کارروائی کرنے کے لیے فوج کی طاقت سے محروم ہو گئے ہیں اور آباد کاروں کو معاشی اور سماجی نقصانات پہنچے ہیں۔