شہزاد رائے وزیر اعظم  کے شکرگزار کیوں؟

?️ 22 جون 2021

کراچی (سچ خبریں) گلوکار و سماجی کارکن شہزاد رائے نے لکھا کہ جب کبھی میں نے وزیر اعظم سے بچوں کے تحفظ سے متعلق امور پر تبادلہ خیال کیا  تو انہوں نے گہری دلچسپی ظاہر کی، انہوں نے طالبعلم کے ساتھ زیادتی کیس میں وزیر اعظم عمراان خان کی خود سنجیدگی سے دلچسپی لینے پر شکریہ ادا کیا ہے۔

انہوں نے ٹوئٹر پر عزیز الرحمن کی سلاخوں کے پیچھے تصویر شیئر کرتے ہوئے لکھا کہ ’عمران خان کا ذاتی طور پر اس کیس میں دلچسپی لینے پر ان کا شکرگزار ہوں۔شہزاد رائے کے مطابق عمران خان جلد ہی ایک جامع پالیسی بنائیں گے اور اس مسئلے کو حل کرنے کے لیے عوامی سطح پر آگاہی مہم شروع کریں گے۔

یاد رہے کہ طالبعلم سے زیادتی میں ملوث ملزم عزیز الرحمٰن نے دوران تفتیش اعتراف جرم کیا۔پولیس کے مطابق ملزم نے بیان میں کہا کہ یہ ویڈیو میری ہی ہے جو صابر شاہ نے چھپ کر بنائی، طالبعلم صابر کو پاس کرنے کا جھانسہ دے کر ہوس کا نشانہ بنایا اور ویڈیو وائرل ہونے کے بعد خوف اور پریشانی کا شکار ہوگیا تھا۔

دوسری جانب پاکستان کی ٹک ٹاک اسٹار و اداکارہ حریم شاہ نے طالبعلم سے بدفعلی کے جرم میں گرفتار عزیز الرحمٰن کے معاملے پر اپنا ردعمل  دیا ہے۔انہوں نے سوشل میڈیا سائٹ انسٹاگرام پر جاری ایک مختصر ویڈیو میں کہا کہ بہت ہی دُکھ کے ساتھ یہ کہوں گی کہ یہ شخص چہرے پر سنتِ رسول سجا کر طالبعلموں سے بدفعلی کا مرتکب ہوا وہ بھی ایک مدرسے میں جہاں قرآن پاک کی تعلیم دی جاتی ہے۔