پنجاب میں کورونا کی خوفناک صورتحال، 88افراد جان کی بازی ہار گئے

?️ 6 اپریل 2021

لاہور(سچ خبریں) محکمہ صحت پنجاب کا کہنا ہے کہ صوبے میں ایک دن میں کورونا وائرس سے 88 افراد جاں بحق ہوئے، جن میں سے 42 کا تعلق لاہور سے ہے۔پنجاب میں ایک دن کے دوران کورونا وائرس سے ریکارڈ اموات سامنے آئیں 2200 سے زائد کیسز رپورٹ ہوئے۔

تفصیلات کے مطابق پنجاب میں کورونا خوفناک صورتحال اختیار کرتا جارہا ہے ، محکمہ صحت پنجاب کی جانب سے تازہ اعدادو شمار جاری کیے گئے ہیں۔ترجمان نے کہا 24 گھنٹوں کے دوران پنجاب میں کورونا وائرس کے 2221 نئے کیسز سامنے آئے ، جن میں سے 1172 کیسز لاہور میں رپورٹ ہوئے۔

اعدادو شمار کے مطابق ننکانہ میں 7، قصور میں 15، شیخوپورہ میں 28، راولپنڈی میں 227، جہلم میں 6، چکوال میں 2، اٹک میں 8 ، مظفرگڑھ میں 8، حافظ آباد میں 4 اور گوجرانوالہ میں 76 کیسز سامنے آئے۔

محکمہ صحت پنجاب کا کہنا ہے کہ سیالکوٹ میں 35، نارووال میں 9، گجرات میں 36، منڈی بہاؤالدین میں 7، ملتان میں 108، خانیوال میں 5، راجن پور میں 2 ، لیہ میں 4، ڈیرہ غازی خان میں 9 اور وہاڑی میں 7 کیس رپورٹ ہوئے۔

اسی طرح فیصل آباد میں 98، چنیوٹ میں 45، ٹوبہ ٹیک سنگھ میں 20، جھنگ میں 49 اور رحیم یار خان میں 40 کیسز ، سرگودھا میں 59، میانوالی میں 8، خوشاب میں 3، بہاولنگر میں 12، بہاولپور میں 45 ، لودھراں میں 10، بھکر میں 2، ساہیوال میں 24، پاکپتن میں 19 اوراوکاڑہ میں 12 کیس سامنے آئے۔