جنگ کے 17ویں روز بھی 237 پاکستانیوں کی ایران سے وطن واپسی، تعداد 5852 ہوگئی

?️ 17 مارچ 2026

کوئٹہ (سچ خبریں) ایران اور اسرائیل کے درمیان جنگ کے دوران ایران میں مقیم پاکستانیوں کی وطن واپسی کا سلسلہ17ویں روز بھی جاری رہا مزید 237 افراد وطن پہنچ گئے۔

ضلعی حکام کے مطابق ایران سے تفتان بارڈر کے ذریعے آج 44 افراد وطن پہنچے ہیں اور 17 روز کے دوران مجموعی طور پر 3784 افراد واپس آئے۔ دوسری جانب گبد ریمدان بارڈر کے ذریعے آج 193 افراد واپس وطن آ چکے ہیں، اب تک مجموعی طور پر 2068 افراد پاکستان پہنچے ہیں۔

علاوہ ازیں 28 فروری سے اب تک گبد ریمدان اور تفتان بارڈر کے ذریعے مجموعی طور پر 5852 افراد وطن واپس پہنچے، وطن واپس پہنچنے والوں میں زائرین، مزدور، ایرانی طلباء اور بزنس مین شامل ہیں۔

حکام کا مزید کہنا تھا کہ پاکستان آنے آنے والے تمام افراد کو ہر ممکن سہولت فراہم کی جارہی ہے۔