ہم یمنی حملوں کو روکنے میں ناکام رہے؛صہیونی میڈیا کا اعتراف  

سچ خبریں:اسرائیلی ویب سائٹ Aurora Israel نے اعتراف کیا ہے کہ اسرائیل اور اس کے بین الاقوامی اتحادی یمنی حملوں کو روکنے میں مکمل طور پر ناکام ہو چکے ہیں اور اس خطرے سے نمٹنے کے لیے انہیں سعودی عرب کی خفیہ حمایت کی ضرورت ہے۔  

یہ بھی پڑھیں: یمن کے بیلسٹک میزائل حملے کی انفرادیت؛اسرائیل کے دل پر کاری وار

لبنانی چینل المسیرہ کی رپورٹ کے مطابق، اس صہیونی ویب سائٹ نے رپورٹ دی ہے کہ اسرائیل اور اس کے اتحادی یمن کے خلاف روک تھام کی پالیسی میں ناکام ہو چکے ہیں، انصاراللہ کو غزہ کی جنگ سے علیحدہ کرنے کی اسرائیلی کوششیں بھی ناکام ثابت ہوئی ہیں،یمنی مزاحمت نے اسرائیل کو الٹی میٹم دیا تھا کہ وہ غزہ کے کراسنگ پوائنٹس کھولے، ورنہ بحیرہ احمر میں صہیونی بحری جہازوں کو دوبارہ نشانہ بنایا جائے گا،اگر اسرائیل نے فلسطین پر مزید حملے کیے، تو یمن اس کے خلاف براہ راست کارروائی کرے گا۔

رپورٹ میں مزید کہا گیا ہے کہ اسرائیل اور اس کے اتحادیوں کے پاس یمنی حملوں کا کوئی موثر توڑ نہیں ہے، یمن نے اپنی کارروائیاں عارضی طور پر روکی تھیں، لیکن اسرائیل اور امریکہ کی پالیسی ناکام رہی ہے، یمنی افواج نے بحیرہ احمر میں اسرائیلی مفادات پر حملے جاری رکھنے کا عندیہ دیا ہے۔

 انصاراللہ نہ صرف خود کو فلسطین کے محافظین میں شمار کر رہے ہیں بلکہ خود کو مزاحمتی محاذ کے رہنما بھی سمجھنے لگے ہیں۔

مزید پڑھیں: یمن کی مزاحمتی کارروائیاں اور صیہونیوں کی بے بسی

رپورٹ میں امریکہ اور اسرائیل کے لیے نئی حکمت عملی کی ضرورت پر زور دیا گیا اور کہا گیا کہ یمنی حکومت کو مکمل طور پر ختم کرنے کے لیے طویل مدتی منصوبہ بندی کی جائے، یمن کے بنیادی ڈھانچے پر حملوں کی بجائے اس کے رہنماؤں اور میزائل پروگرام کو نشانہ بنایا جائے،امریکہ کو چاہیے کہ وہ سعودی عرب پر دباؤ ڈالے کہ وہ اسرائیلی اتحاد میں شامل ہو، چاہے پس پردہ ہی کیوں نہ ہو۔