صیہونی حکومت کی حرم ابراہیمی میں غیر معمولی مداخلت

سچ خبریں:صیہونی حکومت نے الخلیل میں واقع حرم حضرت ابراہیمؑ کے انتظامی اختیارات فلسطینی بلدیہ سے چھین کر صہیونی مذہبی کونسل کے سپرد کر دیے، 1994 کے بعد یہ پہلا ایسا اقدام ہے جو مذہبی، تاریخی اور سیاسی لحاظ سے گہرے نتائج کا حامل ہے۔

الخلیل میں واقع حضرت ابراہیم علیہ السلام کے حرم مقدس پر صہیونی حکومت نے فلسطینی انتظامیہ کی حاکمیت کو محدود کرتے ہوئے سخت اور غیر معمولی پابندیاں عائد کر دی ہیں۔

یہ بھی پڑھیں:عالمی یوم قدس، بیت المقدس کا تحفظ اور عالمی استکبار کے خلاف مظلوموں کی متحد آواز

یسرائیل ہیوم عبرانی روزنامہ نے انکشاف کیا ہے کہ صیہونی حکومت نے ایک ایسا بے مثال فیصلہ کیا ہے جو 1994 کے بعد پہلی بار حرم ابراہیمی کی صورتحال میں گہرے اور بنیادی تغیرات لا رہا ہے۔

 اس فیصلے کے تحت نہ صرف فلسطینیوں کی مذہبی و شہری آزادی کو چیلنج کیا جا رہا ہے بلکہ اس مقدس مقام کے دینی اور تاریخی تشخص کو بھی شدید خطرات لاحق ہو چکے ہیں۔

رپورٹ کے مطابق، صیہونی کابینہ نے حرم ابراہیمی کی انتظامی ذمہ داریاں فلسطینی بلدیہ الخلیل سے واپس لے کر صہیونی بستی کریات اربع کی مذہبی کونسل کو منتقل کر دی ہیں۔

یسرائیل ہیوم نے اس تبدیلی کو 1994 کے بعد اس مقدس مقام میں سب سے بڑی اور گہری مداخلت قرار دیا ہے، جب سے مسجد ابراہیمی قتل عام کے بعد حرم کو مسلمانوں اور یہودیوں کے درمیان تقسیم کیا گیا تھا۔

مزید پڑھیں:درگاہ ابراہیمی میں فلسطینیوں کے قتل عام کی 29 برسی

یہ اقدام صرف فلسطینی شہریوں کے لیے خطرہ نہیں بلکہ اس کے نتیجے میں حرم ابراہیمی کے مذہبی تقدس، تاریخی شناخت اور علاقائی امن پر بھی منفی اثرات مرتب ہو سکتے ہیں۔