بھارتی حکومت عوام کو بھوک اور کورونا میں مرنے کے لیئے چھوڑ کر میزائل کا تجربہ کرنے میں مصروف

?️ 29 جون 2021

نئی دہلی (سچ خبریں)  بھارت میں جہاں ایک طرف آئے دن کورونا وائرس سے ہزاروں افراد ہلاک ہو رہے ہیں اور عوام بھوک سے مر رہی ہے، کسان ملک بھر میں احتجاج کررہے ہیں وہیں دوسری طرف جنگی جنون میں پاگل انتہا پسند مودی حکومت میزائل کا تجربہ کرنے میں مصروف ہے۔

تفصیلات کے مطابق عوام کو بھوک اور کورنا کے رحم وکرم پر چھوڑ کر جنگی جنون میں مبتلا انتہا پسند مودی حکومت نے میزائل کا تجربہ کرلیا ہے۔

خبررساں اداروں کے مطابق بھارت کورونا کے باعث ہلاکتوں میں دنیا کا تیسرا بڑا ملک ہے اور اس ابتر صورت حال میں بھی مودی حکومت عوام کی زندگیاں بچانے کے بجانے میزائل تجربے کرنے میں مصروف ہے۔

بھارتی حکومت نے حال ہی میں ریاست اڑیسا کے ساحلی علاقے میں واقع عبدالکلام جزیرے پر اگنی میزائل سیریز کی جدید قسم اگنی پی کا تجربہ کیا ہے۔

رپورٹ کے مطابق تجربے کے دوران میزائل نے 2 ہزار کلومیٹر کے فاصلے پر اپنے تمام اہداف کو تباہ کردیا، بھارت 24 اور 25 جون کو 2 الگ الگ میزائل تجربات کرچکا ہے، اس طرح پیر کے روز یہ تیسرا میزائل تجربہ ہے، جس نے بھارت کے جارحانہ عزائم کی قلعی کھول کر رکھ دی ہے۔

واضح رہے کہ کورونا وبا کے باعث بھارت میں 3 لاکھ سے زائد افراد ہلاک ہوچکے ہیں، جب کہ ملک بھر میں کورونا کیسز کی تعداد 3 کروڑ سے تجاوز کرچکی ہے، ان حالات میں عوام سے ہمدردی کے بجائے ہتھیار سازی اور میزائل تجربات نے بھارت کے چہرے پر موجود سیاہی میں مزید اضافہ کردیا ہے۔