ملالہ یوسف زئی رشتۂ ازدواج میں منسلک ہوگئیں

?️ 10 نومبر 2021

کراچی (سچ خبریں) دسمبر 2014 میں محض 16 سال کی عمر میں دنیا کا اہم ترین ایوارڈ ’نوبیل انعام‘ حاصل کرنے والی ملالہ یوسف زئی رشتہ ازدواج میں منسلک ہوگئیں ان کا نکاح کل پاکستانی نوجوان عصر ملک سے ہواہےنکاح کی تصدیق کے بعد پاکستانی انٹرنیٹ پر سب سے زیادہ عصر ملک سے متعلق ہی معلومات تلاش کرتے دکھائی دئے۔

ملالہ یوسف زئی کو تو دنیا بھر کے لوگ جانتے ہیں، تاہم ان کے شریک حیات سے متعلق نہ صرف دنیا کے دیگر ممالک بلکہ پاکستانیوں کو بھی بہت ہی کم معلومات ہے۔ملالہ یوسف زئی کی جانب سے 9 نومبر کی شب نکاح کی تصدیق کیے جانے کے بعد پاکستانی انٹرنیٹ پر سب سے زیادہ عصر ملک سے متعلق ہی معلومات تلاش کرتے دکھائی دئے۔

عصر ملک اگرچہ عوامی شخصیت نہیں ہیں، تاہم وہ کھیل اور میڈیا سے وابستہ افراد کے لیے جانی پہچانی شخصیت ہیں اور وہ اسپورٹس منیجمنٹ کے شعبے سے وابستہ ہیں۔عصر ملک کے ٹوئٹر اکاؤنٹ کے مختصر پروفائل کے مطابق وہ پاکستان کرکٹ بورڈ (پی سی بی) کے ’نیشنل ہائی پرفارمنس سینٹر‘ (این ایچ پی سی) میں جنرل منیجر ہیں۔

ذرائع کے مطابق عصر ملک کو پی سی بی نے 29 مئی 2020 کو این ایچ پی سی میں ہائی پرفارمنس منیجر کے عہدے پر تعینات کیا تھا۔اس سے قبل وہ پاکستان سپر لیگ (پی ایس ایل) کی ٹیم ملتان سلطان کی منیجمنٹ سے وابستہ تھے۔