پوپ فرانسس کا الحشد الشعبی کے کمانڈر کو تحفہ

?️ 6 مارچ 2021

سچ خبریں:کیتھولک دنیا کے رہنما نے اپنے سفر عراق کے دوران الحشد الشعبی کے ایک کمانڈر کو اپنی تسبیح تحفہ کے طور پر پیش کی۔
کیتھولک دنیا کے رہنما پوپ فرانسس نے عراق کے دورے کے دوران عراقی عوام تنظیم الحشد الشعبی کے ایک کمانڈر کو تحفہ پیش کیا، پوپ فرانسس نے عراقی الحشد الشعبی سے وابستہ بابل کی تحریک کے ایک عیسائی کمانڈر ریان الکلدانی کواپنی تسبیح تحفہ کے طور پر پیش کی ، واضح رہے کہ کیتھولک دنیا کے رہنما نے گذشتہ روز عراقی صدر برہم صالح سے ملاقات کی جس میں انھوں نے 2017 میں موصل کو آزاد کرانے میں عراقی فوج کی بہادری اور اس شہر میں ایک ایسے گرجا گھر کے دوبارہ قیام کا ذکر کیا جسے داعشی دہشت گردوں نے تباہ کر دیا تھا ۔

برہم صالح نے کہاکہ عراقی عوام پوپ کا ان کے ملک میں اپنے پر خیرمقدم کرتے ہیں، انہوں نے مزید کہاکہ امن و استحکام، اتحاد اور بات چیت کو مستحکم کرنے کا مطالبہ کرنے میں پوپ کا کردار قابل تحسین ہے،انھوں نے مزید کہا کہ عراقی عوام کو فخر ہے کہ اس ملک میں مختلف مذاہب کے پیروکار ایک ساتھ رہتے ہیں۔

یادرہے کہ کیتھولک چرچ نے پچھلے 17 دسمبر کو اعلان کیا تھا کہ کیتھولک دنیا کے رہنما پوپ فرانسس 5 سے 8 مارچ کے درمیان عراق کا دورہ کریں گے،اس سے قبل بابل کلدیئن کے سرپرست اور کلڈینی کیتھولک چرچ کے صدر لوئس رافیل آئی ساکو نے اے ایف پی کو انٹرویو دیتے ہوئے کہا تھا کہ پوپ فرانسس عراق کے دورے کے دوران شیعوں کےمرجع عالی قدرآیت اللہ سید علی سیستانی سے ملاقات کریں گے جیسا کہ آج ہوا ، انھوں نے  نجف اشرف میں آیت اللہ سیستانی کی رہائش گاہ پر ان سے ملاقات کی جو ایک گھنٹے تک جاری رہی اور ا سں متعدد امور پر تبادلہ خیال کیا گیا گیا ۔