مکڈونلڈز کی اسرائیل کی حمایت پر ہالینڈ کے عوام کا منفرد احتجاج

?️ 10 ستمبر 2024

سچ خبریں: ہالینڈ کے روٹرڈیم شہر میں مکڈونلڈز کی جانب سے اسرائیل کی حمایت کیے جانے کے خلاف اس ریسٹورنٹ کی ایک شاخ کے سامنے عوام نے منفرد انداز میں پر احتجاج کیا۔

الجزیرہ نیوز چینل کی رپورٹ کے مطابق، ہالینڈ کے عوام نے غزہ کے عوام کی حمایت میں گزشتہ روز روٹرڈیم شہر کے مرکز میں واقع امریکی فاسٹ فوڈ چین ریسٹورنٹ مکڈونلڈز کی ایک شاخ کے سامنے احتجاجی مظاہرہ کیا۔

یہ بھی پڑھیں: عراق میں اسرائیل کی حمایت کرنے والا امریکی ریستوراں بند

مظاہرے میں شریک افراد نے علامتی طور پر اپنے ہاتھوں اور جسم کو خون سے رنگ کر اسرائیلی فوج کے ہاتھوں غزہ میں جاری مظالم کی مذمت کی۔

احتجاج کی تصاویر میں دیکھا جا سکتا ہے کہ مظاہرین فلسطینی پرچم اٹھائے ہوئے ہیں اور مکڈونلڈز نیز امریکی کمپنی کوکا کولا کی اسرائیل کے ساتھ تعاون کی مذمت میں مختلف پلے کارڈز بھی دکھا رہے ہیں۔

مظاہرین نے صیہونی قابضین کے حوالے سے ہالینڈ کی حکومت کی پالیسی پر بھی شدید اعتراض کیا اور اسرائیل کے ساتھ تعاون ختم کرنے کا مطالبہ کیا۔

یاد رہے کہ مکڈونلڈز کے ریسٹورنٹ پچھلے 10 ماہ سے عرب، اسلامی اور کئی یورپی و مغربی ممالک میں بڑے پیمانے پر بائیکاٹ کا شکار ہیں۔

مزید پڑھیں: بچوں کے ویڈیو گیمز میں اسرائیل کی حمایت میں گرافک اشتہارات، والدین تشویش میں مبتلا

ان بائیکاٹس کی وجہ مکڈونلڈز کی اسرائیل کی حمایت اور ان تصویروں کی اشاعت ہے جن میں دکھایا گیا ہے کہ مکڈونلڈز کی شاخیں اسرائیلی فوجیوں کو مفت کھانا فراہم کر رہی ہیں۔